பாதாம், முந்திரி,பிஸ்தா போன்ற அனைத்து வகை நட்ஸ் வகைகளும் ஏராளமான ஊட்டச்சத்துக்களை உள்ளடக்கி உள்ளது.
இந்த நட்ஸ் வகைகளை வறுத்து சாப்பிட்டால் நன்மை கிடைக்குமா அல்லது பச்சையாக சாப்பிட்டால் நன்மை கிடைக்குமா என்பதை அறிந்து கொள்வோம்.
பெரும்பாலான சந்தர்ப்பங்களில் நட்ஸ் வகைகளை வறுத்து சாப்பிடத் தான் பலரும் நினைக்கிறார்கள். சில நேரங்களில் முந்திரி போன்ற அவற்றின் கர்னலில் இருந்து வெளிப்புற கடின உறைகளை அகற்ற கொட்டைகளை வறுத்தெடுப்பது கட்டாயமான ஒன்றாக உள்ளது.
அதே மாதிரி பிஸ்தா மற்றும் முந்திரி தவிர மற்ற கொட்டைகளும் அவற்றின் வெளிப்புற ஓடு இல்லாமல் வறுத்தெடுக்கப்படுகின்றன.
நீங்கள் இந்த கொட்டைகளை இரண்டு விதமாக வறுக்கலாம். உலர்ந்த வறுத்தல் மற்றொன்று எண்ணெய் வறுத்தல் இந்த இரண்டுலுமே நட்ஸின் ஊட்டச்சத்துக்கள் மாறுபடுகின்றன.
ஊட்டச்சத்துக்கள் மாறுபாடு
நட்ஸ்யை பச்சையாக சாப்பிடுவதற்கும் மற்றும் வறுத்து சாப்பிடுவதற்கும் இடையே ஊட்டச்சத்துக்களில் சிறிய வித்தியாசம் காணப்படுகிறது. அதிக வெப்பநிலையில் வறுக்கும் போது நட்ஸின் சில ஊட்டச்சத்துக்கள் இழக்கப்படுகின்றன.
இதில் கார்ப்ஸ் மற்றும் புரதங்களின் எண்ணிக்கையில் எந்த மாறுபாடும் இல்லாவிட்டாலும் ஒரு கிராம் கொழுப்பில் கலோரிக்கும் கொழுப்புக்கும் சிறிது வித்தியாசம் ஏற்படுகிறது.
கொட்டைகளை வறுப்பதால் ஏற்படும் தீமைகள்
- வறுத்த கொட்டைகள் எப்போதுமே ஆரோக்கியமற்றவை அல்ல. ஆனால் சூடுபடுத்துவதால் கொழுப்புகள் சேதமடைந்து ஆக்ஸைடு ஆகிறது.
- நட்ஸில் கொழுப்புகள் தான் மிக முக்கியமான சத்து. இதில் மோனோசாச்சுரேட்டட் மற்றும் பாலிஅன்சாச்சுரேட்டட் கொழுப்புகளில் நிறைந்துள்ளன. இவைகள் வெப்பத்திற்கு உள்ளாகும் போது அவை வேதிவினைகளுக்கு உட்பட்டு அவற்றின் கட்டமைப்புகள் மாறுகின்றன.
- இது தீங்கு விளைவிக்கும் ஃப்ரீ ரேடிக்கல்களின் உருவாக்கத்திற்கு வழிவகுக்கிறது. தீங்கு விளைவிக்கும் ஃப்ரீ ரேடிக்கல்கள் என்பது அதிகப்படியான செல்களை சேதப்படுத்தும்.
- வறுத்த கொட்டைகளில் பாலி அன்சாச்சுரேட்டட் கொழுப்புகளின் ஆக்சிஜனேற்ற அபாயமும் ஏற்படுகிறது. கொழுப்பு ஆக்ஸிஜனுடன் எளிதில் வினைபுரிந்து ஆக்ஸினேற்றத்தை ஏற்படுத்தும்.
- இது கொட்டைகளின் ஆயுளை குறைக்கிறது. கொட்டைகளை வறுத்தெடுப்பதன் மற்றொரு பெரிய தீங்கு என்னவென்றால் அது தீங்கு விளைவிக்கும் இரசாயனங்கள் உருவாக வழிவகுக்கிறது.
- அதிக வெப்பநிலையில் வறுத்தெடுப்பது அதிக விகிதத்தில் அக்ரிலாமைடு உருவாக வழி வகுக்கும். குறிப்பாக பாதாம் போன்ற நட்ஸை வறுக்கும் போது இந்த அபாயம் உண்டாக வாய்ப்புள்ளது.
நட்ஸ் வகைகளை பச்சையாக சாப்பிடுவதால் ஏற்படும் தீங்குகள்
- எப்படி நட்ஸ் களை வறுக்கும் போது சில தீமைகள் இருக்கிறதோ அதே மாதிரி அவற்றை பச்சையாக சாப்பிடும் போதும் சில தீமைகள் உள்ளன. இது உங்களுக்கு சுகாதார பிரச்சினைகளை ஏற்படுத்தலாம்.
- பாக்டீரியாக்களின் விகாரங்களைக் கொண்டுள்ளன. எனவே பச்சையாக நட்ஸ் வகைகளை கழுவாமல் சாப்பிடும் போது சால்மோனெல்லா மற்றும் ஈ.கோலை ஆகிய பாக்டீரியாக்கள் இருக்க வாய்ப்பு உள்ளது.
- இந்த பாக்டீரியாக்களை அளிக்க நீராவி மூலம் கொட்டைகளை அவிப்பது அல்லது சுத்தமாக கழுவி சாப்பிடுவது நல்லது.
முடிவு
நட்ஸ் ஒரு ஆரோக்கியமான சிற்றுண்டி ஆகும். உணவுக்கு இடையில் ஒரு சில கொட்டைகளை எடுப்பது உங்கள் மனநிறைவை அதிகரிக்கும். எனவே ஆரோக்கியமற்ற உணவுப் பொருட்களை ஸ்நாக்ஸ் ஆக எடுப்பதற்கு பதிலாக நட்ஸ் வகைகளை எடுத்துக் கொள்ளலாம்.
எனவே நட்ஸ்யை வறுத்து சாப்பிடலாமா அல்லது பச்சையாக சாப்பிடலாமா என்பதை அதன் நன்மை மற்றும் தீமை அடிப்படையில் தேர்வு செய்யுங்கள்.
இரண்டு செய்முறையிலும் ஊட்டச்சத்துக்கள் உள்ளடக்கம் ஒரே மாதிரியாக இருந்தால் கூட வறுத்த கொட்டைகளில் அதிக கலோரிகள், உப்பு மற்றும் கொழுப்பு உள்ளது.
எனவே எடையை குறைக்க நினைப்பவர்களுக்கு வறுத்த கொட்டைகள் சிறந்த தேர்வாக இருக்காது.
