தேசிய நுகர்வோர் விலை குறியீட்டு எண் (NCP) படி, டிசம்பரில் உணவு பணவீக்கம் 23 சதவீதத்தை தாண்டும் என்று மக்கள் தொகை கணக்கெடுப்பு மற்றும் புள்ளியியல் துறை வட்டாரங்கள் தெரிவிக்கின்றன.
உணவுப் பணவீக்கம் அக்டோபரில் 11.7 சதவீதமாகவும், நவம்பரில் 16.9 சதவீதமாகவும் இருந்தது. இது 5.2 சதவீதம் அதிகமாகும். நவம்பர் மாதத்தை விட டிசம்பரில் பணவீக்கம் 6.1 சதவீதம் அதிகமாக இருந்தது.
எவ்வாறாயினும், கடந்த வாரம் எரிபொருள் விலை அதிகரித்ததன் காரணமாக, இது மேலும் அதிகரிக்க வாய்ப்பு உள்ளதாக தெரியவருகிறது.
அரிசி, காய்கறிகள், இறைச்சி, மீன், முட்டை உள்ளிட்ட அத்தியாவசிய உணவுப் பொருட்களின் விலை உயர்வால், நவம்பர் மாதத்தில் பணவீக்கம் அக்டோபர் மாதத்தை விட 5.2 சதவீதம் அதிகமாக இருந்தது.
எவ்வாறாயினும், டிசம்பர் மாதத்திற்குள் அத்தியாவசியப் பொருட்களின் விலைகள் மேலும் உயர வாய்ப்புள்ளது என்பதை நடைமுறையில் உள்ள சந்தை விலை நிலைகள் உறுதிப்படுத்துவதாக தெரிவிக்கப்பட்டுள்ளது.
