வைத்திய பீடத்திற்கு மாணவர்களை சேர்ப்பதற்கான பரிந்துரைகள்!

ஜெனரல் சர் ஜோன் கொத்தலாவல பாதுகாப்பு பல்கலைக்கழகத்தின் வைத்திய பீடத்திற்கு மாணவர்களை சேர்ப்பது தொடர்பான பரிந்துரைகளை வழங்குவதற்காக அமைச்சரவையால் நியமிக்கப்பட்ட குழுவின் பரிந்துரைகள் சமர்ப்பிக்கப்பட்டுள்ளன.

பாதுகாப்பு அமைச்சின் செயலாளர் ஏர் வைஸ் மார்ஷல் சம்பத் துய்யகொந்தா (ஓய்வு) தலைமையிலான இந்த குழுவில், கல்வி அமைச்சின் செயலாளர் நாலக கலுவெவா மற்றும் சுகாதார அமைச்சின் செயலாளர் அனில் ஜாசிங்க ஆகியோர் இடம்பெற்றுள்ளனர்.

ஜெனரல் சர் ஜோன் கொத்தலாவல பாதுகாப்பு பல்கலைக்கழகத்தின் வைத்திய பீடத்திற்கு மாணவர்களை சேர்ப்பது தொடர்பான 10 பரிந்துரைகளை இந்தக் குழு சமர்ப்பித்துள்ளது.

வருடத்திற்கு ஒரு தொகுதி வைத்திய பீட மாணவர்களை மட்டுமே சேர்த்துக் கொள்வது, சேர்த்துக் கொள்ளப்படும் மொத்த வைத்திய பீட மாணவர்களின் எண்ணிக்கையை 150 ஆக மட்டுப்படுத்துவதுடன், கட்டணம் செலுத்தும் அடிப்படையில் சேர்த்துக் கொள்ளப்படும் அதிகபட்ச உள்ளூர் சிவில் வைத்திய பீட மாணவர்களின் எண்ணிக்கை 100 ஆக இருக்க வேண்டும் என்பது பரிந்துரைகளில் அடங்கும்.

வைத்திய பீட மாணவர்களை சேர்த்துக் கொள்வதில், பின்வரும் வரிசையில் முப்படை மாணவர்கள், வெளிநாட்டு மாணவர்கள் மற்றும் உள்ளூர் மாணவர்களுக்கு முன்னுரிமை வழங்கப்படுவதுடன், முகாமைத்துவ சபையால் தீர்மானிக்கப்பட்டபடி, வைத்திய பீட மாணவர்களை சேர்த்துக் கொள்வதற்கான அளவுகோலாக குறைந்தபட்சம் 1.4000 அல்லது அதற்கு மேற்பட்ட Z- புள்ளிகள் பராமரிக்க நடவடிக்கை எடுக்கப்படும்.

சேர்த்துக் கொள்ளப்படும் உள்ளூர் சிவில் வைத்திய பீட மாணவர்களின் ஒவ்வொரு தொகுதியிலும் 10 சதவீதம் பேர் முழு உதவித்தொகையில் சேர்த்துக் கொள்ளப்படுவதுடன், இந்த மாணவர்கள் கல்வி, உயர்கல்வி மற்றும் தொழிற்கல்வி அமைச்சு மூலம் தேர்ந்தெடுக்கப்படுவார்கள்.

இவ்வாறு சேர்த்துக் கொள்ளப்படும் மாணவர்கள் திறந்த பல்கலைக்கழகம் தவிர வேறு அரச பல்கலைக்கழகங்களில் முழுநேர உள் மாணவர்களாக பதிவு செய்யப்படுவதற்கும், திறந்த பல்கலைக்கழகம் தவிர வேறு அரச பல்கலைக்கழகங்களில் முழுநேர உள் மாணவர்களாக பதிவு செய்யப்பட்ட மாணவர்களுக்கும் பாதுகாப்பு பல்கலைக்கழகத்தின் மருத்துவ பீடத்தில் பதிவு செய்ய முடியாது என்றும் கூறப்படுகிறது.

பாடநெறியில் பங்கேற்கும் சிவில் மாணவர்களுக்கு சிறப்பு சீருடை கட்டாயமாக இருக்காது என்பதுடன், பிற வைத்திய பீடங்களைச் சேர்ந்த மாணவர்கள் பல்கலைக்கழக விரிவுரைகளில் கலந்துகொள்வது போலவே அவர்களுக்கு விரிவுரைகளில் கலந்து கொள்ள வாய்ப்பு வழங்கப்படும்.

இந்த மாணவர்களுக்கு வைத்திய பயிற்சியின் தகுதிக்கு ஏற்ப சுகாதார மற்றும் வெகுஜன ஊடக அமைச்சின் ஊடாக வைத்தியசாலைகளை குறிப்பாகத் தேர்ந்தெடுக்க நடவடிக்கை எடுக்கும் என்பதும் பரிந்துரைகளில் அடங்கும்.

இந்த மாணவர்களை அரசாங்க வைத்தியசாலைகளில் இணைப்பதற்கு கொத்தலாவல பல்கலைக்கழகம் எந்தப் பொறுப்பையும் ஏற்காது என்பதுடன், அத்தகைய ஆட்சேர்ப்பில், நிலவும் வெற்றிடங்களுக்கு அமைய மாத்திரம் மேற்கொள்ளப்படும் இணக்கம் மாணவர்களின் பதிவின் போது பெற்றுக் கொள்ள நடவடிக்கை எடுக்கப்படும்.

இதற்கிடையில், பல்கலைக்கழக மானிய ஆணைக்குழுவின் கீழ் வைத்திய பீட கல்வி பணிக்குழாமில் பணியாற்றிய அதிகாரிகள், அந்த ஊழியர் சேவையை விட்டு வெளியேறி 5 ஆண்டுகள் கடந்த பின்னரே கொத்தலாவல பாதுகாப்பு பல்கலைக்கழகத்தின் வைத்திய பீடத்தின் கல்வி பணிக்குழாமிற்கு ஆட்சேர்ப்பு செய்யப்படுவார்கள் என்றும், ஏழு ஆண்டு விடுப்பு மற்றும் சேவையிலிருந்து ஓய்வு பெறுவதற்கு இந்த நிபந்தனை பொருந்தாது என்றும் குறித்த பரிந்துரைகளில் குறிப்பிடப்பட்டுள்ளது.