தெற்கு அதிவேக நெடுஞ்சாலை இராணுவத்தினரின் கெப் ரக வாகனம் மோதுண்டு இடம்பெற்ற விபத்தில் இராணுவத்தினர் ஆறு பேர் காயமடைந்துள்ளனர்.
தெற்கு அதிவேக நெடுஞ்சாலையில் பின்னதுவ நுழைவாயிலுக்கருகில் இன்று திங்கட்கிழமை இராணுவத்தினரின் கெப் வாகனமொன்று மோதுண்டு விபத்து ஏற்பட்டுள்ளதாக அக்மீமன பொலிஸாருக்கு கிடைக்கப் பெற்ற தகவலுக்கமைய விசாரணைகள் ஆரம்பிக்கப்பட்டுள்ளன.
சம்பவத்தின் போது சாரதியின் கட்டுப்பாட்டை இழந்த கெப் வீதியில் உருண்டு சென்றுள்ளது. இதன் போது சாரதி உட்பட ஆறு இராணுவத்தினர் வாகனத்தில் பயணித்துள்ளதுடன் , காயமடைந்தவர்கள் கராப்பிட்டி வைத்தியசாலையில் அனுமதிக்கப்பட்டுள்ளனர்.
இவர்களுக்கு பலத்த காயங்கள் எதுவும் ஏற்படவில்லை என்று பொலிஸார் தெரிவித்தனர்.
விபத்து தொடர்பான மேலதிக விசபாரணைகளை அக்மீமன பொலிஸார் முன்னெடுத்து வருகின்றனர்.
