வவுனியா செட்டிக்குளத்திலத்தில் ஹாட்வெயார் வியாபார நிலையத்தில் ஏற்பட்ட தீயினால் பல இலட்சம் ரூபாய் பெறுதியான பொருட்கள் தீக்கிரையாகியுள்ளது.
செட்டிக்குளம் வீதியால் இன்று காலை சென்று கொண்டிருந்த சிலர் குறித்த கடையின் கூரையின் மேலாக புகை வருவதை அவதானித்துள்ளனர். இதனை அடுத்து அருகில் இருந்தவர்களுடன் இணைந்து குறித்த தீயினை அணைப்பதற்கு முயற்சித்தும் தீயினை கட்டுப்படுத்த முடியாமையினால் செட்டிக்குளம் பொலிஸாருக்கு தகவல் தெரித்துள்ளனர்.
இதனையடுத்து சம்பவ இடத்திற்கு விரைந்த தீயனைப்பு பிரிவினர் தீயினை கட்டுப்பட்டுக்குள் கொண்டு வந்தனர்.
இத்தீச்சம்பவத்தினால் குறித்த ஹாட்வயார் வியாபார நிலையத்தில் இருந்த சுமார் 80 இலட்சத்திற்கு மேற்பட்ட பொறுட்கள் தீயில் எரிந்து நாசமாகியுள்ளமை குறிப்பிடத்தக்கது.
இச்சம்பவம் தொடர்பான மேலதிக விசாரணையினை செட்டிக்குளம் பொலிஸாரினால் மேற்கொள்ளப்பட்டு வருகின்றது.
