பொதுவாக இன்றைய காலத்தில் உடல் எடையை குறைக்க பலர் தற்போது உடற்பயிற்சியில் ஈடுபட்டு வருகின்றனர்.
பலர் உணவு கட்டுப்பாடுகளை பின்பற்றி வருகின்றனர். அதிலும் உணவு கட்டுப்பாட்டின் மூலம் உடல் எடையை குறைக்க விரும்புகிறவர்கள் நல்ல ஆரோக்கியமான உணவுகளை எடுத்து கொள்வது முக்கியமானதாகும்.
நமது உடலின் எடையை குறைக்க முயற்சிக்கும்போது, புரதம் நிறைந்த உணவுகளை அதிகமாக எடுத்துக்கொள்வது பயனுள்ளதாக இருக்கும்.
தற்போது எந்த எந்த உணவுகளை எடுத்து கொள்ளலாம் என்பதை பார்ப்போம்.
முட்டை அதிக அளவு புரதச்சத்து நிறைந்த உணவாகும். வேகவைத்தல், ஆம்லெட் என முட்டையை பல விதமாக சமைத்து சாப்பிடலாம்.
காலையில் சாப்பிடுவதற்கு ஓட்ஸ் மிகச் சிறந்த உணவாகும். ஒரு டீஸ்பூன் வெண்ணெய், மற்றும் சில பழங்களுடன் சேர்த்து, ஓட்ஸ் சாப்பிடுவதால் உடல் எடையை குறைக்கலாம்
காலையில் ஒரு கிண்ணம் சியா விதைகள், சில நட்ஸ்கள் மற்றும் பழங்கள் போன்றவற்றை கலந்து சாப்பிடலாம். மேலும் சில சியா விதைகளை இரவில் பாலில் ஊறவைத்துவிட்டு, காலையில் சாப்பிடலாம்.
காலை உணவாக பாசிபருப்பு பயன்படுத்தி செய்யப்படும் பாசிப்பருப்பு தோசை சாப்பிடலாம். இது செரிமான அமைப்பை ஆரோக்கியமாக வைத்திருக்க உதவுகிறது.
அவல் ஒரு நல்ல காலை சிற்றுண்டி ஆகும். இதனுடன் சிறிது வேர்க்கடலை சேர்த்து சாப்பிடலாம். இது மட்டுமில்லாமல், அவல் உடன் சிறிது பட்டாணி, வெங்காயம், உருளைக்கிழங்கு மற்றும் காலிஃபிளவர் சேர்த்தும் சாப்பிடலாம்.
