நாட்டின் பல பகுதிகளில் இன்றைய தினமும் மழை பெய்யும் என வளிமண்டலவியல் திணைக்களம் எதிர்வுகூறியுள்ளது.
பிற்பகல் வேளையில் மழை அல்லது இடியுடன் கூடிய மழை பெய்யும் என தெரிவிக்கப்படுகின்றது. சபரகமுவ, மத்திய, வடமேல், ஊவா மாகாணங்களிலும் காலி மற்றும் மாத்தறை மாவட்டங்களிலும் ஓரளவு பலத்த மழை பெய்யும் என எதிர்வுகூறப்பட்டுள்ளது.
இடியுடன் கூடிய மழை பெய்யும் போது அந்தப் பகுதிகளில் தற்காலிகமாக பலத்த காற்று வீசக் கூடும் எனவும், மின்னல் தாக்கங்களிலிருந்து பாதுகாத்துக்கொள்ள முன் எச்சரிக்கை நடவடிக்கைகள் எடுக்கப்பட வேண்டுமெனவும் கோரப்பட்டுள்ளது.
