வெளிநாடுகளில் வசிக்கும் இலங்கையர்களுக்கு பிறப்பு, திருமணம் மற்றும் இறப்பு சான்றிதழ்களின் பிரதிகளை இணையத்தளத்தில் பெற்றுக்கொள்ளும் வசதிகளை ஏற்படுத்துவதற்கு நடவடிக்கை எடுக்கப்பட்டுள்ளது.
அதற்கமைய பதிவாளர் நாயகம் திணைக்களம் அதற்கான நடவடிக்கைகளை திட்டமிட்டுள்ளதாக செய்தி வெளியாகியுள்ளது.
ஒவ்வொரு நாடுகளிலும் உள்ள இலங்கை தூதரகங்கள் மற்றும் உயர்ஸ்தானிகராலயங்கள் ஊடாக இந்த நடவடிக்கைகள் ஒருங்கிணைக்கப்படும் என பதிவாளர் நாயகம் மத்தும பண்டார வீரசேகர தெரிவித்துள்ளார்.
இது தொடர்பில் வெளிவிவகார அமைச்சுடன் இடம்பெற்ற கலந்துரையாடல் நிறைவடைந்துள்ளதாகவும் பதிவாளர் நாயகம் குறிப்பிட்டுள்ளார்.
