முட்டையில் புரோட்டீன் மற்றும் அத்தியாவசிய சத்துக்கள், குறைவான கலோரியும் உள்ளது. தினமும் முட்டையை சாப்பிட்டு வந்தால், உடலுக்கு தேவையற்ற கெட்ட கொலஸ்ட்ரால் குறைந்து, உடல் எடை கட்டுக்கோப்புடன் இருக்கும்.
தேவையான பொருட்கள்:
முட்டை – 4
வெங்காயம் – 1
பச்சை மிளகாய் – 2
கொத்தமல்லி – 1/2 கப்
தோசை மாவு – 1
மிளகுத்தூள் – 1 டீஸ்பூன்
உப்பு – தேவையான அளவு
எண்ணெய் – தேவையான அளவு
செய்முறை:
வெங்காயம், ப.மிளகாய், கொத்தமல்லியை பொடியாக நறுக்கி கொள்ளவும்.
முட்டையை ஒரு பௌலில் உடைந்து ஊற்றி நன்கு அடித்துக் கொள்ள வேண்டும்.
பின் அதில் வெங்காயம், பச்சை மிளகாய், கொத்தமல்லி மற்றும் சிறிது உப்பு சேர்த்து நன்கு கலந்து கொள்ள வேண்டும்.
தோசைக்கல்லை அடுப்பில் வைத்து, சூடானதும், அதில் மாவை ஊற்றி, தோசை போல் தேய்க்க வேண்டும்.
பின்பு அதன் மேல் எண்ணெய் விட்டு, கலந்து வைத்துள்ள முட்டை கலவையை விட்டு, 2 நிமிடம் கழித்து, திருப்பிப் போட்டு வேக வைத்து எடுத்து, தட்டில் வைக்க வேண்டும்.
பிறகு அதன் மேல் மிளகுத்தூளை தூவி பரிமாற வேண்டும்.
சுவையான முட்டை தோசை ரெடி.
