கொழும்பின் முக்கிய பகுதியான புறக்கோட்டை பகுதியில் விமலதர்ம மணிக்கூட்டு கோபுரத்திற்கு முன்பாக பெருந்திரளானோர் இணைந்து போராட்டமொன்றை முன்னெடுத்துள்ளனர்.
குறித்த போராட்ட பேரணியானது புறக்கோட்டை புகையிரத நிலையத்தை நோக்கி நகர்ந்து வருவதாக எமது செய்தியாளர் தெரிவித்தார்.
இதன்போது போராட்டத்தில் ஈடுபட்டவர்கள் ஜனாதிபதி கோட்டாபயவிற்கு எதிரான கோசங்களை எழுப்பியவண்ணம் பேரணியை முன்னெடுத்து வருகின்றனர்.
நாட்டில் தற்போது ஏற்பட்டுள்ள பொருளாதார நெருக்கடியால் பாதிக்கப்பட்ட மக்கள் அரசாங்கத்திற்கு எதிராக தொடர்ச்சியாக தமது எதிர்ப்பினை வெளிப்படுத்தி வருகின்றனர்.
