முல்லைத்தீவில் ஐஸ் போதைப்பொருளுடன் இருவர் பொலிஸாரால் கைது செய்யப்பட்டுள்ளனர்.
முல்லைத்தீவு – கள்ளப்பாடு பகுதியை சேர்ந்த இருவரே நேற்றுமுன்தினம்(14) பொலிஸாரால் கைது செய்யப்பட்டுள்ளனர்.
இருவர் கைது
முல்லைத்தீவு பொலிஸாருக்கு கிடைக்கப்பெற்ற தகவலுக்கு அமைய இவர்கள் கைது செய்யப்பட்டுள்ளார்கள்.
கைது செய்யப்பட்டவர்கள் கள்ளப்பாடு, வெள்ளப்பள்ளம் பகுதிகளை சேர்ந்த 23, 20 வயதுடைய இளைஞர்களென பொலிஸார் தெரிவித்துள்ளனர்.
இருவரும் போதைப்பொருளுடன் கைது செய்யப்பட்டு நேற்று(15) முல்லைத்தீவு நீதவான் நீதிமன்றில் முன்னிலைப்படுத்தப்பட்டுள்ளனர்.
நீதிமன்றம் உத்தரவு
ஒரு கிராமுக்கும் அதிகமான ஐஸ் போதைப்பொருள் வைத்திருந்தமையினால் கள்ளப்பாடு வடக்கினை சேர்ந்த 23 வயதுடைய நபரை மட்டும் விளக்கமறியலில் வைக்க நீதிமன்றம் உத்தரவிட்டுள்ளது.
