கிளிநொச்சி – தரும்புரம் பொலிஸ்பிரிவிற்குட்பட்ட கல்லாறு பகுதியில் யுக்திய சுற்றிவளைப்பு தேடுதல் நடவடிக்கை முன்னெடுக்கப்பட்டுள்ளது
குறி்த்த நடவடிக்கை இன்று(05-07-2024) அதிகாலை முதல் நாடளாவிய ரீதியில் முன்னெடுக்கப்பட்ட வரும் நிலையில், கிளிநொச்சியிலும் நடவடிக்கை முன்னெடுக்கப்பட்டுள்ளது.
இன்றைய தினம் அதிகாலை தரும்புரம் பொலிஸ் பிரிவிற்குட்பட்ட கல்லாறு பகுதியில் குறித்த சுற்றி சுற்றி வளைப்பு நடவடிக்கைகள் மேற்கொள்ளப்பட்டுள்ளது.
ஐஸ் போதைப் பொருள்
இதன்போது குறித்த பகுதியில் ஐஸ் போதைப் பொருளுடன் ஒருவர் கைது செய்யப்பட்டுள்ளார்.
அவரிடம் இருந்து பொதி செய்யப்பட்ட ஐஸ் போதை பொருட்களும் மீட்கப்பட்டுள்ளதோடு, குறித்த சுற்றி வளைப்பு தேடுதல் நடவடிக்கையின் போது பிடியாணை பிறப்பிக்கப்பட்ட கைதிகள் மற்றும் சந்தேகத்துக்கிடமாக பிரதேசங்களில் தங்கி இருந்தவர்கள் என பலரும் விசாரணைகளுக்காக அழைத்து செல்லப்பட்டுள்ளதாக கூறப்படுகிறது.
