வெளிநாட்டிலிருந்து வந்த இருவர் கட்டுநாயக்க விமான நிலையத்தில் வைத்து கைது செய்யப்பட்டுள்ளனர்.
டுபாயில் இருந்து வந்த இருவரே இவ்வாறு கைது செய்யப்பட்டுள்ளதாக விமான நிலைய அதிகாரிகள் தெரிவித்துள்ளனர்.
சட்டவிரோதமாக பெருந்தொகை வெளிநாட்டு சிகரெட்டுகளை கடத்த முற்பட்ட வேளையில் கைது செய்யப்பட்டுள்ளனர்.
பயணப்பொதி
விமான நிலைய அதிகாரிகளால் மேற்கொள்ளப்பட்ட சோதனையில் சந்தேக நபர்கள் இருவரும் கொண்டு வந்த பயணப்பொதிகளிலிருந்து 41,400 வெளிநாட்டு சிகரெட்டுகள் கைப்பற்றப்பட்டுள்ளன.
பொலநறுவை மற்றும் கொழும்பு பகுதிகளை சேர்ந்த இருவரே கைது செய்யப்பட்டுள்ளனனர்.
இந்நிலையில் விமான நிலைய சுங்க அதிகாரிகள் கைது செய்யப்பட்ட சந்தேக நபர்கள் இருவருக்கும் எச்சரிக்கை விடுத்து அவர்களை விடுதலை செய்துள்ளனர்.