சிவ வழிபாட்டிற்கும், சிவனின் அருளை பெறுவதற்கும் உரிய மிகச் சிறப்பான நாள் பிரதோஷமாகும்.
சிவ பெருமானுக்குரிய முக்கியமான எட்டு விரதங்களில் பிரதோஷ விரதமும் ஒன்றாகும். நம்முடைய தோஷங்கள், பாவங்கள் அனைத்தையும் போக்கி, சந்தோஷத்தை தரும் விரதமே பிரதோஷ விரதமாகும்.
பொதுவாக ஒரு மாதத்திற்கு ஒரு சனிப் பிரதோஷம் வருவதே மிக பெரிய விஷயமாக கருதப்படும். இந்த ஆண்டு ஆவணி மற்றும் ஆகஸ்ட் மாதங்கள் சேர்ந்து வரும் மாதத்தில் இரண்டு சனிப் பிரதோஷங்கள் அடுத்தடுத்து வருகிறது. இது மிக அபூர்வமானதாகும்.
இந்த ஆண்டு ஆகஸ்ட் மாதம் 17ம் திகதி, ஆவணி மாதத்தின் துவக்க நாளில் ஏற்கனவே ஒரு சனிப் பிரதோஷம் வந்தது. இந்நிலையில் ஆகஸ்ட் மாதத்தின் நிறைவு நாளான ஆகஸ்ட் 31 மற்றும் ஆவணி 15 அன்று மற்றொரு சனிப்பிரதோஷம் வருகிறது.
பிரதோஷத்தன்று மாலையில் சிவன் கோவிலில் நடக்கும் அபிஷேகத்திற்கு நம்மால் முடிந்த பால், தயிர், அரிசி மாவு, சந்தனம், பழங்கள், பூஜைக்கு தேவையான வில்வம், பூ, அருகம்புல் போன்றவற்றை வாங்கிக் கொடுக்கலாம்.
அன்றைய தினம் சிவனுக்குரிய ஓம் நம சிவாய என்னும் பஞ்சாட்சர மந்திரத்தை எத்தனை முறை முடியுமோ, அத்தனை முறை சொல்வது சிறப்பானதாகும்.
நந்திக்கும், சிவனுக்கும் நடைபெறும் அபிஷேகங்களையும், பூஜைகளையும் கண்டு தரிசித்த பிறகு, சந்திரனை தரித்த பிறகு பிரதோஷ விரதத்தை நிறைவு செய்வது சிறப்பானதாகும்.
பிரதோஷ வழிபாட்டினை நிறைவு செய்த பிறகு, வீட்டின் பூஜை அறையில் விளக்கேற்றி வைத்து, ஒரு சிறிய கிண்ணத்தில் டைமண்ட் கற்கண்டுகளை வைத்து, அதன் மீது 5 கிராம்புகளை சொருகி வைக்க வேண்டும்.
பிறகு சிவ பெருமானிடம் மனதில் உள்ள கஷ்டங்கள், வேண்டுதல்கள் ஆகியவற்றை சொல்லி மனதார வழிபட வேண்டும். இந்த கற்கண்டு மற்றும் கிராம்பினை இரவு முழுவதும் அப்படியே வைத்து விடுங்கள்.
மறுநாள் இந்த 5 கிராம்புகளை எடுத்து வீட்டில் பணம், நகை வைக்கும் இடங்கள், பர்ஸ், அலுவலகத்தில் வேலை அல்லது தொழில் செய்யும் இடம் போன்றவற்றில் ஒவ்வொன்றாக வைத்துக் கொள்ளலாம்.
டைமண்ட் கற்கண்டுகளை பொடியாக்கியோ அல்லது அப்படியே வீட்டின் அருகில் உள்ள மரத்தடியில் இருக்கும் எறும்பு புற்றில் போட்டு விட வேண்டும். இதனால் வீட்டில் மகிழ்ச்சியான நிலை, பண வரவு ஆகியவை அதிகரிக்கும்.
