வவுனியா கடவுச்சீட்டு அலுவலகத்தில் கையூட்டு பணம் கொடுத்தால் கடவுச்சீட்டைப் பெற்றுக் கொள்ளலாம் என்கின்ற ஒரு நிலைமை காணப்படுவதாக மக்கள் குற்றம் சுமத்தியுள்ளனர்.
இது தொடர்பில் பாதிக்கப்பட்ட மக்கள் தெரிவிக்கையில்,
வவுனியா கடவுச்சீட்டு அலுவலகத்தில், தூர இடங்களில் இருந்து காலை 3 மணிக்கு வரிசையில் நின்று கடவுச்சீட்டை பெறுவதற்கு முயற்சி செய்த போதிலும் 25 பேருக்கு மாத்திரமே கடவுச்சீட்டை வழங்குவோம் என தெரிவித்து ஏனையோரை மீள செல்லுமாறு தெரிவிக்கின்றனர்.
குறிப்பாக முல்லைத்தீவு, யாழ்ப்பாணம், கிழக்கு மாகாணங்களில் இருந்தும் கடவுச்சீட்டை பெறுவதற்காக வருகை தந்த தாம் இவ்வாறு காத்திருக்க வேண்டிய சூழல் ஏற்பட்டிருப்பதாகவும் தெரிவிக்கின்றனர்.
கடவுச்சீட்டு அலுவலகத்தில் பணியாற்றுவோர் தமக்குத் தெரிந்தவர்களை உள்ளே அழைத்து அவர்களுக்கு கடவுச்சீட்டு வழங்குகின்றனர்.
அதோடு கையூட்டு வ்பணம் கொடுத்தால் கடவுச்சீட்டை பெற்றுக் கொள்ள முடியும் என்கின்ற ஒரு நிலைமையும் காணப்படுகின்றது.
இந்நிலையில் ஊழலை ஒழிக்க வேண்டும் என்று பதவியேற்ற ஜனாதிபதி அனுர குமார, இது தொடர்பில் கவனம் செலுத்தி மக்கள் இலகுவாக கடவுச்சீட்டைப் பெறுவதற்கு வழி செய்ய வேண்டும் எனவும் அவர்கள் கோரிக்கை முன்வைத்துள்ளனர்.
