சேருவில கல்விப் பிரிவுக்குட்பட்ட தெஹிவத்தை மகா வித்தியாலயத்திற்குள் இன்று (25) காட்டு யானையொன்று புகுந்து அட்டகாசம் செய்துள்ளதாக பொலிஸார் தெரிவித்தனர்.
யானையின் அட்டகாசத்தால் பாடசாலை கட்டிடத்தின் கூரை மீது தென்னை மரமொன்று வீழ்ந்ததில் கட்டிடத்தின் கூரை சேதமடைந்துள்ளதாக பொலிஸார் தெரிவித்தனர்.
பாடசாலையின் மேற்கூரையில் யானை தாக்கிய தென்னை மரம் வீழ்ந்ததில் மேற்கூரை மற்றும் ஓடுகள் சேதமடைந்துள்ளதுடன், பாடசாலையின் நீர்க் குழாய்கள் சேதமடைந்துள்ளதாகவும் தலைமையாசிரியர் தெரிவித்துள்ளார்.
மேலும், சில நாட்களில் காலை ஆறு மணியளவில் பாடசாலையை திறக்க வரும்போது யானை பாடசாலைக்குள்ளேயே இருப்பதாகவும் அவ்வாறான சமயங்களில் பெற்றோர்களை அழைத்து யானையை விரட்டியடிக்கப்படுவதாகவும் அதிபர் பொலிஸாரிடம் தெரிவித்ததாக குறிப்பிடப்பட்டுள்ளது.
