பொரலையில் கோர விபத்து ஒருவர் பலி!

கொழும்பு (Colombo) – பொரளை மயானத்திற்கு அருகில் இடம்பெற்ற வாகன விபத்தில் ஒருவர் உயிரிழந்துள்ளதாக காவல்துறையினர் தெரிவித்துள்ளனர்.

குறித்த விபத்தானது இன்றையதினம் (17.11.2024) இடம்பெற்றுள்ளது.

விபத்து தொடர்பில் மேலும் தெரியவருவதாவது, நாரஹேன்பிட்டியிலிருந்து கித்துல்வத்தை வீதியை நோக்கி வந்த கார் ஒன்று மோட்டார் சைக்கிள் மீது மோதியதில் இந்த விபத்து இடம்பெற்றுள்ளது.

காவல்துறை கைது
இந்த விபத்தில் மோட்டார் சைக்கிளில் வந்த சாரதி சம்பவ இடத்திலேயே உயிரிழந்துள்ளதாகவும் தெரிவிக்கப்படுகிறது.

உயிரிழந்தவர் பொரளை சீவலிபுர பிரதேசத்தை சேர்ந்தவராவார். விபத்து தொடர்பில் காரின் சாரதி காவல்துறையினரால் கைது செய்யப்பட்டுள்ளார்.

மேலும் குறித்த காரில் இருவர் வந்ததாகவும், விபத்தை அடுத்து அவர்களில் ஒருவர் காரில் பொருத்தப்பட்டிருந்த கெமராவை கழற்றிவிட்டு ஓடியதாகவும் தெரிவிக்கப்படுகிறது.

மேலதிக விசாரணை
சம்பவம் தொடர்பான மேலதிக விசாரணைகளை பொரளை காவல்துறையினர் மேற்கொண்டு வருகின்றனர்.

இதேவேளை மூதூர் (Mutur) காவல்துறை பிரிவிலுள்ள பெரியபாலம் பகுதியில் வீதியை விட்டு விளகி கெப் வாகனம் விபத்துக்குள்ளானதில் கெப் ரக வாகனச் சாரதி சிறு காயங்களுடன் உயிர்தப்பியுள்ளதாக காவல்துறையினர் தெரிவித்துள்ளனர்.

திருகோணமலை (Trincomalee) – மட்டக்களப்பு (Batticaloa) பிரதான வீதியில் இன்று இவ்விபத்துச் சம்பவம் இடம்பெற்றுள்ளது.

சம்பவம் தொடர்பிலான மேலதிக விசாரணைகளை மூதூர் காவல்துறையினர் முன்னெடுத்து வருகின்றனர்.