ஆலயத்திற்கு அருகிலுள்ள வனப்பகுதியை சுற்றிவளைத்த பொலிஸார்… இருவர் கைது!

மொனராகலை எதிமலை பொலிஸ் அதிகாரதிற்குட்பட்ட யால வனப்பகுதியின் கெபிலித்த ஆலயத்திற்கு அருகில் அமைந்துள்ள ஈரியகொல்ல வனப்பகுதியில் பயிரிடப்பட்டிருந்த பாரியளவான கஞ்சா சேனை ஒன்று எதிமலை பொலிஸாரினால் சுற்றிவளைக்கப்பட்டுள்ளது.

இந்த கஞ்சா செடிகள் சுமார் இரண்டு ஏக்கர் நிலப்பரப்பில் பயிரிடப்பட்டிருந்த நிலையில் இதன்போது சுமார் 13 ஆயிரத்திற்கும் அதிகமான கஞ்சா செடிகள் பொலிஸாரினால் கண்டுபிடிக்கப்பட்டுள்ளது.

இதன் பெறுமதி 150 இலட்சம் ரூபாய்க்கும் அதிகம் என தெரிவிக்கப்படுகிறது.

எதிமலை பொலிஸாருக்கு கிடைக்கப்பட்ட புலனாய்வுத் தகவல் ஒன்றுக்கு அமைய இந்த சுற்றிவளைப்பு மேற்கொள்ளப்பட்டுள்ளது.

இதன்போது இரண்டு சந்தேகநபர்கள் கைது செய்யப்பட்டுள்ளதாக எதிமலை பொலிஸார் தெரிவித்துள்ளனர்.

சம்பவம் தொடர்பில் எதிமலை பொலிஸார் மேலதிக விசாரணைகளை மேற்கொண்டு வருகின்றனர்.