திருகோணமலை – சேருநுவர பொலிஸ் பிரிவிற்குட்பட்ட பகுதியில் டிப்பர் வாகனமொன்று மோட்டார் சைக்கிளில் சென்ற ஒருவரை மோதி விபத்துக்குள்ளாக்கி விட்டு தப்பிச் சென்றுள்ளதாக தெரிவிக்கப்படுகின்றது.
குறித்த சம்பவம் இன்று இடம்பெற்றுள்ளது.
இதன்போது டிப்பர் வாகனத்தில் மோதுண்ட நபர் படுகாயங்களுக்குள்ளான நிலையில், கந்தளாய் தள வைத்தியசாலையில் சிகிச்சை பெற்று வருவதாக தெரிவிக்கப்படுகின்றது.
இதன்போது சேருநுவர – கல்லாறு பகுதியைச் சேர்ந்த துலிப் அக்சான் வயது (32) என்பவரே இவ்வாறு படுகாயங்களுக்குள்ளாகியுள்ளதாக தெரிவிக்கப்படுகின்றது.
கந்தளாய், சமகிபுர பகுதியிலிருந்து மோட்டார் சைக்கிளில் சேருநுவரவிற்கு சென்ற நபர் ஒருவரையே பின்னால் சென்ற டிப்பர் வாகனமொன்று மோதி தள்ளிவிட்டு தப்பித்துச் சென்றுள்ளதாக நேரில் கண்டவர்கள் பொலிஸில் முறைப்பாடு செய்துள்ளதாகவும் தெரிவிக்கப்படுகின்றது.
