விஜய் டிவியில் நீங்கள் தான் அடுத்த பிரபுதேவா என்ற நிகழ்ச்சியின் மூலம் நமக்கு அறிமுகம் ஆனவர்தான் இந்த சாய் பல்லவி. அதன்பிறகு பிரேமம் என்ற திரைப்படத்தில் மலர் என்ற கதாபாத்திரத்தின் மூலம் எல்லா இளைஞர்களின் மனதிலும் பதிந்து விட்டார் என்று சொன்னால் அது மிகையாகாது.
மிகவும் செலக்டிவ் ஆன கதாபாத்திரங்களை தேர்ந்தெடுத்து நடித்து வரும் சாய்பல்லவி தற்போது தெலுங்கில் நடித்துக் கொண்டிருக்கும் படம் லவ் ஸ்டோரி. சாய்பல்லவிக்கு தமிழில் மார்க்கெட் இருக்கிறதோ இல்லையோ ஆனால் தெலுங்கில் நன்றாகவே இருக்கிறது. தற்போது சேகர் கம்முலா இயக்கத்தில் லவ் ஸ்டோரி எனும் படத்தில் நாக சைதன்யா மற்றும் சாய்பல்லவி நடித்து வருகின்றனர்.
சேகர் கம்முலா இயக்கத்தில் சாய்பல்லவி நடிக்கும் இரண்டாவது திரைப்படம் இதுவாகும். இதற்கு முன்னர் தெலுங்கில் “ஃபிடா” என்ற திரைப்படத்தின் மூலம் வருண் தேஜாவின் ஜோடியாக சாய்பல்லவி அறிமுகமாகி இருந்தார். இந்த படம் பாக்ஸ் ஆபிஸில் நல்ல வசூலை கொடுத்ததோடு மட்டுமல்லாமல் பிளாக்பஸ்டர் என்ற பெயரையும் சினிமா வட்டாரத்தில் பெற்றிருக்கிறது
காதலர் தினத்தன்று இந்த படத்தின் முதல் பாடல் வெளியானது. “ஏ பில்லா” என்று தொடங்கும் இந்த பாடல் ரசிகர்கள் மத்தியில் நல்ல வரவேற்பைப் பெற்றிருக்கிறது. இந்த பாடலை ஹரிச்சரண் பாடியிருக்கிறார். இந்த படத்திற்கு ஹிரால் சைத்தன்யா பாடல் வரிகள் எழுதியிருக்கிறார். பவன் இந்த படத்திற்கு இசையமைத்திருக்கிறார்.
இந்த படத்தின் ஃபர்ஸ்ட் லுக் போஸ்டர் ஜனவரி 14 2020 அன்று வெளியிடப்பட்டது. இந்த படம் ஏப்ரல் 2020ல் வெளிவரும் என்று படக்குழு வட்டாரத்தில் தெரிவிக்கின்றனர். சாய்பல்லவிக்கு இந்த படமும் தெலுங்கில் மற்றொரு பிளாக்பஸ்டராக அமையும் என்று எதிர்பார்க்கப்படுகிறது.
