பிரித்தானியாவில் 18 வயது இளைஞன் கொரோனாவால் பாதிக்கப்பட்டு உயிரிழந்துள்ள நிலையில் இந்த கொடிய வைரஸால் நாட்டில் உயிரிழந்த இளம் வயது நபர் இவர் தான் என தெரியவந்துள்ளது.
கொவன்றி நகரை சேர்ந்த நபரே இவ்வாறு உயிரிழந்துள்ளார்.
உயிரிழந்த இந்த இளைஞரையும் சேர்ந்து பிரித்தானியாவில் கொரோனோவால் உயிரிழந்தவர்களின் எண்ணிக்கை 281 ஆக உயர்ந்துள்ளது.
ஒரே நாளில் மட்டும் 48 பேர் இறந்துள்ளதும் இதையடுத்தே ஞாயிறு இந்த எண்ணிக்கையானது 281ஐ தொட்டுள்ளது.
மேலும் கொரோனாவால் இதுவரை பிரித்தானியாவில் 5,683 பேர் பாதிக்கப்பட்டுள்ளனர் என சுகாதாரத்துறை தெரிவித்துள்ளது.
கொரோனா தாக்கி பிரித்தானியாவில் உயிரிழந்தவர்களில் 18 வயது நபர் மிக இளையவர் எனவும், 102 வயது நபர் மிக வயதானவர் எனவும் கருதப்படுகிறது.
இதனிடையில் வேல்ஸில் மொத்தம் 347 பேர் கொரோனாவால் பாதிக்கப்பட்டுள்ளனர் எனவும், ஸ்காட்லாந்தில் 416 பேர் பாதிக்கப்பட்டுள்ளனர் எனவும் சுகாதார அதிகாரிகள் தெரிவித்துள்ளனர்.
