கொரோனா வைரஸ் தொற்றால் பாதிக்கப்பட்ட நோயாளிகள் ரெம்டெசிவிர் (remdesivir) என்ற பரிசோதனை மருந்தினால் விரைவாக குணமடைந்து வரும் நிலையில் இதை பரிசோதனை செய்த மருத்துவர்கள் சோதனை குறித்து உரையாடும் வீடியோ வெளியாகியுள்ளது.
அதன்படி ரெம்டெசிவிர் மருந்தை வைத்து கொரோனா வைரஸ் நோயாளிகளுக்கு சிகிச்சை அளித்து குணமாக்கும் பரிசோதனைகள் நடத்தப்பட்டு வருகிறது.
இந்த மருத்துவ பரிசோதனையில் பங்கேற்கும் நோயாளிகளுக்கு கடுமையான சுவாச அறிகுறிகள் மற்றும் காய்ச்சல் இருந்தன, ஆனால் ஒரு வாரத்திற்கும் குறைவான சிகிச்சையின் பின்னர் மருத்துவமனையை விட்டு வெளியேற முடிந்திருக்கிறது. இந்த சோதனைக்கு தலைமை தாங்கிய மருத்துவர் வீடியோ ஒன்றில் இந்த தகவலை தெரிவித்திருக்கிறார்.
மருத்துவ பரிசோதனைக்கு தலைமை தாங்கும் சிகாகோ பல்கலைக்கழகத்தின் தொற்று நோய் நிபுணர் மருத்துவர் கேத்லீன் முல்லேன், வீடியோவில் கூறுகையில், எங்கள் நோயாளிகளில் பெரும்பாலோர் ஏற்கனவே வெளியேற்றப்பட்டுள்ளனர் என்பது மிகச் சிறந்த செய்தி, இது மிகச் சிறந்தது.
எங்களுக்கு இரண்டு நோயாளிகள் மட்டுமே இருக்கிறார்கள் என்று கூறியிருக்கிறார். இதனிடையில் நடந்துகொண்டிருக்கும் மருத்துவ பரிசோதனை முடிவு பாதி தகவல் தான் என்றும் , இந்த தகவல்களை வைத்து முடிவு செய்ய முடியாது என்றும், சோதனை நடந்து வரும் சாத்தியமான சிகிச்சையின் பாதுகாப்பு அல்லது செயல்திறன் குறித்த முடிவுகளை இந்த தகவலை ஒருபோதும் பயன்படுத்தக்கூடாது என்றும் சிகாககோ பல்கலை அறிவுறுத்தியுள்ளது.
கொரோனா நோய் சோதனை இப்போது புதிய விவாதத்திற்கு வழிவகுத்துள்ள உயிர்கொல்லியான கொரோனா வைரஸ் தொற்றுக்கு இதுவைரை அங்கீகரிக்கப்பட்ட சிகிச்சை என்றும் எதுவும் இல்லை, இந்த நோய் எப்படி என்றால் சில நோயாளிகளுக்கு கடுமையான நிமோனியா மற்றும் கடுமையான சுவாசக்குழாய் தொற்றை ஏற்படுத்தும்.
இந்த நோய்க்கு அமெரிக்காவின் தேசிய சுகாதார நிறுவனங்கள் பல மருந்துகள் மற்றும் பிற சிகிச்சைகளை சோதனை முறையில் செய்து வருகிறது.
அவற்றில் ஒரு மருந்துதான் ரெம்டெசிவிர். கொரோனாவை தடுக்கும் கிலியட் சயின்ஸ் நிறுவனத்தால் தயாரிக்கப்பட்ட இந்த மருந்து, எபோலாவுக்கு எதிராக சிறிய வெற்றி பதிவு செய்தது, ஆனால் விலங்குகளில் நடத்தப்பட்ட பல ஆய்வுகள் இந்த மருந்தை கொரோனா வைரஸ்களைத் தடுக்கவும் சிகிச்சையளிக்கவும் முடியும் என்பதைக் காட்டியது.
இதில் SARS (கடுமையான கடுமையான சுவாச நோய்க்குறி) மற்றும் MERS போன்ற நோய்களுக்கு எதிராக செயல்பட்டது- பிப்ரவரியில், உலக சுகாதார நிறுவனம் வெளியிட்ட ஒரு அறிவிப்பில், கொரோனாவுக்கு எதிராக ரெம்டெசிவிர் செயல்பட்டது குறித்து தெரிவித்தது.
கொரோனாவை தடுக்க ரெம்டெசிவிர் மருந்துகளின் சோதனைகள் டஜன் கணக்கான பிற மருத்துவ மையங்களிலும் நடந்து வருகின்றன.
உலகெங்கிலும் உள்ள 152 சோதனை தளங்களில் கடுமையான கொரோனா அறிகுறிகளுடன் 2,400 நோயாளிகளுக்கு இந்த மருந்து பரிசோதனையாக பயன்படுத்தப்படுகிறது.
இதேபோல் உலகெங்கிலும் உள்ள 169 மருத்துவமனைகள் மற்றும் கிளினிக்குகளில் மிதமான அறிகுறிகளுடன் 1,600 நோயாளிகளுக்கு இது மருந்து பரிசோதிக்கப்படுகிறது. இந்த மாத இறுதிக்குள் விசாரணையின் முடிவுகளை எதிர்பார்க்கலாம் என்று ரெம்டெசிவிர் மருந்தை தயாரிகக்கு கிலியட் நிறுவனம் கூறியுள்ளது.
