ஹட்டனில் முச்சக்கரவண்டி ஒன்று தீ வைக்கப்பட்ட சம்பவம் தொடர்பில் இருவர் கைது செய்யப்பட்டுள்ளதாக ஹட்டன் பொலிஸார் தெரிவித்தனர்.
ஹட்டன் பிரதான பஸ் தரிப்பு நிவையத்தின் பின் பகுதியில் நிறுத்தி வைத்திருந்த முச்சக்கரவண்டியே இன்று அதிகாலை இவ்வாறு தீ வைத்து எரிக்கப்பட்டிருந்தது.
குறித்த பகுதியில் பொருத்தப்பட்டிருந்த சிசிரிவி கமெரா ஒன்றின் காட்சிகளின் அடிப்படையில் சந்தேகநபர்களை பொலிஸார் கைது செய்துள்ளனர்.
கைது செய்யப்பட்டவர்களிடம் பொலிஸார் மேற்கொண்ட விசாரணையின் போது, குறித்த முச்சக்கர வண்டியிலிருந்து அவசரத் தேவைக்காக பெற்றோலைக் களவாடியதாகவும் அதன் பின்னர் பெற்றோல் தாங்கியை சரியாக மூடுவதற்கு முயற்சித்தபோது வெளிச்சம் போதாமையால் தீக் குச்சியைப் பற்றவைத்து ஒளியைப்பெற முயன்றபோதே முச்சக்கரவண்டி தீப்பற்றியதாகவும் சந்தேக நபர்கள் தெரிவித்துள்ளனர்.
மேலும் கைது செய்யப்பட்ட சந்தேக நபர்களை ஹட்டன் மாவட்ட நீதிமன்றில் ஆஜர்படுத்த நடவடிக்கை எடுத்துள்ளதாக பொலிஸார் தெரிவித்தனர்.
