இலங்கையில், இறுதியாக 16 பேர் கொரோனா வைரஸ் தொற்று உறுதிசெய்யப்பட்டுள்ள நிலையில்,நாட்டில் இதுவரை கொரோனா வைரஸ் தொற்று உறுதி செய்யப்பட்டுள்ளவர்களின் மொத்த எண்ணிக்கை 1,905 ஆக அதிகரித்துள்ளது.
அதேநேரம் நேற்றைய தினம் கொரோனா தொற்று உறுதி செய்யப்பட்ட 16 பேரில், மாலைதீவிலிருந்து நாடு திரும்பிய நிலையில் தனிமைப்படுத்தலுக்குட்படுத்தப்பட்டிருந்த 6 பேரும், குவைத்திலிருந்து நாடு திரும்பிய 5 பேரும், பாக்கிஸ்தானிலிருந்து நாடு திரும்பிய ஒருவரும், பங்களாதேஷிலிருந்து நாடு திரும்பிய நிலையில் ஒருவரும், எஞ்சிய 3 பேரும் கடற்படையினரென அரசாங்க தகவல் திணைக்களம் தெரிவித்துள்ளது.
அத்துடன் கொரோனா தொற்றிலிருந்து குணமடைந்தவர்களின் மொத்த எண்ணிக்கை 1,342 ஆக அதிகரித்துள்ளது.
தற்போது அடையாளம் காணப்பட்ட கொரோனா தொற்று நோயாளிகளில் 552 பேர் தொடர்ந்தும் வைத்தியசாலைகளில் தங்கி சிகிச்சைபெற்று வருகின்றனர்.
இதேவேளை, 46 பேர் கொரோனா தொற்று சந்தேகத்தில் வைத்திய கண்காணிப்பில் உள்ள நிலையில் இதுவரை கொரோனா தொற்றுக்குள்ளான 11 பேர் உயிரிழந்துள்ளமை குறிப்பிடத்தக்கது.
