தமிழ் மக்கள் தேசிய கூட்டணியின் வேட்பாளரும், முன்னாள் மாகாணசபை உறுப்பினருமான எம்.கே.சிவாஜிலிங்கம் வல்வெட்டித்துறை பொலிஸாரினால் கைது செய்யப்பட்டிருக்கின்றார்.
இன்று காலை 9.30 மணியளவில் வல்வெட்டித்துறையில் உள்ள அவருடைய வீட்டில் வைத்து கைது செய்யப்பட்டிருக்கின்றார். மேலும் நீதிமன்ற உத்தரவின் பெயரிலேயே அவர் கைது செய்யப்பட்டிருப்பதாக கூறும் பொலிஸார்,மேலதிக விபரங்களை வெளியிட மறுத்துள்ளனர்.
பொலிஸ் நிலையத்தில் தடுத்து வைக்கப்பட்டுள்ள சிவாஜிலிங்கம்
இதேவேளை பருத்தித்துறை நீதிமன்றில் நடைபெற்று வரும் வழக்கு விசாரணைக்கு சமூகமளிக்கவில்லை என்பதால் அவர் கைது செய்யப்பட்டுள்ளதாக கூறப்படுகின்றது.
கைது செய்யப்பட்ட சிவாஜிலிங்கம் பொலிஸ் நிலையத்தில் தடுத்து வைக்கப்பட்டுள்ளதுடன், அவரை பருத்தித்துறை நீதிமன்றில் ஆஜர்ப்படுத்த பொலிஸார் நடவடிக்கை எடுத்துள்ளனர்.
