வேப்பங்குளத்தில் இடம்பெற்ற விபத்தில் இருவர் காயம்

வவுனியா – வேப்பங்குளம் பகுதியில் இன்று காலை 9.30 மணியளவில் இடம்பெற்ற விபத்தில் இருவர் காயமடைந்துள்ளனர்.

நெளுக்குளம் பகுதியிலிருந்து நகர் நோக்கி மன்னார் வீதி வழியாக சென்ற மோட்டார் சைக்கிள் ஒன்று வேப்பங்குளம் பகுதியில் சென்றுகொண்டிருந்த வேளை அதே திசையில் வந்த மோட்டார் சைக்கிள் முன்பாக சென்ற மற்றுமொரு மோட்டார் சைக்கிளை முந்திச் செல்ல முற்பட்ட போது இந்த விபத்து இடம்பெற்றுள்ளதாக தெரியவருகிறது.

இந்த விபத்து தொடர்பான மேலதிக விசாரணைகளை நெளுக்குளம் போக்குவரத்து பொலிஸார் முன்னெடுத்து வருகின்றமை குறிப்பிடத்தக்கது.