கர்ப்ப காலத்தில் உண்டாகும் நீரிழிவு நோயை தவிர்க்க வேண்டுமா?

கர்ப்ப கால நீரிழிவு ஒரு பெண் தனது கர்ப்ப காலத்தில் சந்திக்கும் இயற்கையான நோய் தான்.

இயற்கையான கர்ப்பம் சார்ந்த உடல் இயங்குவியல் மாற்றங்களால் நீரிழிவு போன்ற தன்மை கர்ப்பிணித் தாய்களுக்கு ஏற்படுகிறது.

பெண்ணின் உடலில் உள்ள கணையம் சுரக்கும் இன்சுலின் எனும் ஹார்மோன், வயிற்றில் இருக்கும் குழந்தையின் வளர்ச்சிக்காக நஞ்சுப்பை சுரக்கும் சில ஹார்மோன்களின் எதிர்வேலையால் சரியாக வேலை செய்யாமல் போவதால் தற்காலிகமாக நீரிழிவு போன்ற நிலை கர்ப்பிணிகளுக்கு வருகிறது.

இந்தசமயங்களில் கர்ப்பிணி பெண்கள் கவனமாக இருப்பது அவசியம். குறிப்பாக உணவுகளில் அதிகம் கவனம் செலுத்த வேண்டும்.

அந்தவகையில் கர்ப்பகாலத்தில் உண்டாகும் நீரிழிவு நோயைத்தவிர்க்க எந்த உணவுகளை உட்கொள்ள வேண்டும் என்பதை பற்றி தெரிந்து கொள்வோம்.

காலை உணவுக்கு பால், பழங்கள், உலர்ந்த பழங்கள் என எந்த இனிப்பு வகைகளையும் சாப்பிடாதீர்கள். முழு தானிய உணவு, புரதச்சத்து நிறைந்த உணவுகளை சாப்பிடலாம்.

ஒரே நேரத்தில் அதிக சாதம் சாப்பிடுவது குளுக்கோஸை அதிகரிக்கும். எனவே சாதத்தை குறைவாக சாப்பிடுகள்.

வயிறு நிறைய காய்கறி, கீரை, பழ வகைகள் சாப்பிடுங்கள். அவ்வப்போது நட்ஸ் வகைகள் சாப்பிடலாம்.
ஒவ்வொரு உணவின் போதும் எந்த அளவுக்கு கார்போஹைட்ரேட் , மாவுச்சத்து நிறைந்த உணவுகளை சாப்பிடுகிறீர்கள் என்பதை கவனியுங்கள்.