தொண்டை வலி, இருமல் தொல்லைகளுக்கு நிவாரணம் வேண்டுமா?

வெயில் காலத்திலோ, குளிர் காலத்திலோ பெரும்பாலானவர்கள் தொண்டை தொடர்பான பிரச்சனைகள் அவதிப்படுவதுண்டு.

அந்தகாலத்தில் இதுபோன்ற பிரச்சினைளுக்கு வீட்டில் இருந்தப்படியே நமது முன்னோர்கள் சரி செய்தனர்.

ஆனால் இந்தகாலத்தில் இதற்காக அடிக்கடி மருந்துகளை வாங்கி போடுவது உண்டு. இருப்பினும் இது சில சமயங்களில் வேறு பக்கவிளைவுகளை ஏற்படுத்தி விடும்.

அந்தவகையில் தொண்டை வலி, இருமல் தொல்லைக்கு தீர்வு தரும் எளிய பாட்டி வைத்தியங்களை சிலவற்றை பார்ப்போம்.

• தொண்டை வலிகுணமாக பால் இல்லாத டீயுடன் கொஞ்சம் எலுமிச்சை சாறு விட்டு குடித்து பாருங்கள் தொண்டை வலி நீங்கும்.

• சித்தரைத்தையும் பனங்கற்கண்டு இரண்டையும் சம அளவு எடுது கஷாயம் வைத்து மூன்று வேளைக்கு தொடர்ந்து மூன்று நாட்கள் சாப்பிட்டு வந்தால் வரட்டு இருமல் சளி குணமாகும்.

• இருமல் சளிக்கு, தூதுவளை இலை 15 கிராம் அளவில் சேகரித்து 500 மில்லி தண்­ணீரில் போட்டு 200 மில்லியாக சுண்டக் காய்ச்சி வடிகட்டி 30 முதல் 40 மில்லி வரை ஒரு நாளைக்கு மூன்று வேளை இந்த கஷாயத்தைச் சாப்பிட்டு வந்தால், இருமல், இரைப்பு, சளியுடன் கூடிய காய்ச்சல், சயரோகக் காய்ச்சல் குணமாகும்.

• இருமல் தொல்லைக்கு தூங்க போகும் முன் 1 கப் சூடான தண்ணீரில் 1 ஸ்பூன் உப்பு போட்டு வாய் கொப்பளிக்கவும். இது இருமல் தொல்லையையும் நீக்கும்.

• அதிமதுரத் துண்டு ஒன்றை வாயில் அடக்கிக் கொண்டிருந்தால் வாயில் உமிழ் நீர் சுரக்கும். இந்த உமிழ்நீரை உள்ளுக்கு விழுங்கிக் கொண்டிருந்தால் தொண்டைக் கரகரப்பு நீங்கும். குரல் கம்மல் நீங்கி விடும். தொண்டையில் உள்ள சளிக்கட்டு கரைந்து விடும்.

• தூதுவளை பொடியில் மிளகு பொடி கலந்து தேனில் (அ) பாலில் சாப்பிட்டால் தும்மல் வராது.