இலங்கையில் மேலும் 3 பேருக்கு கொரோனா தொற்று உறுதிப்படுத்தப்பட்டுள்ளது. இந்நிலையில், இன்று மட்டும் ஐந்து பேருக்கு கொரோனா தொற்று இருப்பது உறுதி செய்யப்பட்டுள்ளது.
ஐக்கிய அரபு இராச்சியத்தில் இருந்து வருகை தந்த மூவரே இவ்வாறு கொரோனா தொற்றினால் பாதிக்கப்பட்டுள்ளதாக அரசாங்க தகவல் திணைக்களம் தெரிவித்துள்ளது.
இதன்படி, இந்நாட்டின் கொரோனா தொற்றாளர்களின் எண்ணிக்கை 3400ஆக அதிகரித்துள்ளதாக சுகாதார அமைச்சு தெரிவித்துள்ளது.
முன்னதாக கம்பஹா – திவுலபிட்டியில் பெண் ஒருவருக்கும், அவரது மகளுக்கும் கொரோனா தொற்று இருப்பது உறுதி செய்யப்பட்டிருந்தது. இதனால் அந்த பகுதிகளில் ஊரடங்கு அமுல்செய்யப்பட்டுள்ளது.
இதேவேளை, கொரோனா தொற்றுக்குள்ளாகி பூரணமாக குணமடைந்தவர்களின் எண்ணிக்கை 3258ஆக அதிகரித்துள்ளது.
தொடர்ந்தும் 129 பேர் வைத்தியசாலைகளில் சிகிச்சைப் பெற்று வரும் நிலையில் 13 பேர் சிகிச்சை பலனின்றி உயிரிழந்துள்ளமை குறிப்பிடத்தக்கது.
