விலங்குகளை வேட்டையாடுவதற்கு அமைக்கப்பட்ட மின் இணைப்பில் சிக்கி உயிரிழந்த இரண்டு பெண்களின் சடலங்கள் இன்று மீட்கப்பட்டுள்ளன.
இந்த சம்பவம், மாவனெல்ல – ஹேமத்தகம, ஹம்பதெனிய பகுதியில் இடம்பெற்றுள்ளதாக பொலிஸார் தெரிவித்துள்ளனர்.
சுமார் நான்கு நாட்களுக்கு முன் குறித்த பெண்கள் உயிரிழந்திருக்க கூடும் என பொலிஸார் சந்தேகம் வெளியிட்டுள்ளனர்.
இந்நிலையில், சட்டத்தில் இருந்து தப்பிக்க முயன்ற ஒருவர் கைது செய்யப்பட்டுள்ளதாகவும் பொலிஸார் தெரிவித்துள்ளனர்.
சட்ட நடவடிக்கைகளில் இருந்து தப்பிக்கும் நம்பிக்கையில் சடலங்களை ஒரு மறைக்க நடவடிக்கை எடுத்ததாக சந்தேக நபர் பொலிஸ் விசாரணையின்போது, தெரிவித்திருந்தார்.
இந்நிலையில், சம்பவம் தொடர்பில் பொலிஸார் மேலதிக விசாரணைகளை முன்னெடுத்துள்ளனர்.
