நேற்றிரவு மூன்று பிள்ளைகளின் தந்தைக்கு நேர்ந்த விபரீதம்!

மட்டக்களப்பு – பதுளை வீதியை அண்மித்த அலியாஓடை எனும் வயற் பிரதேசத்தில் காட்டு யானையின் தாக்குதலுக்கு இலக்காகி குடும்பஸ்தர் ஒருவர் நேற்றிரவு(08) பலியானதாக கரடியனாறு பொலிஸார் தெரிவித்துள்ளனர்.

இச்சம்பவத்தில் சந்திவெளி கிராமத்தைச் சேர்ந்த மூன்று பிள்ளைகளின் தந்தையான காத்தமுத்து ஏரம்பமூர்த்தி(44) என்பவரே பலியாகியுள்ளார்.

இவர் வழமைபோன்று வயல் காவலில் ஈடுபட்டிருந்தபோது, காட்டுக்குள் இருந்து பிரவேசித்த யானை இவரைத் தாக்கியதால் அவர் ஸ்தலத்திலேயே பலியானார்.

அவரது சடலம் உடற்கூற்றுப் பரிசோதனைக்காக செங்கலடி பிரதேச வைத்தியசாலைக்கு கொண்டு வரப்பட்டுள்ளது.

இச்சம்பவம் தொடர்பில் கரடியனாறு பொலிஸார் மேலதிக விசாரணைகளில் ஈடுபட்டுள்ளனர்.