இந்தியாவில் வேளாண் சட்டங்களை மீள பெறக்கோரி வீதியை மறைத்து போராட்டத்தில் ஈடுபட்ட பல விவசாயிகள் கைது செய்யப்பட்டுள்ளனர்.
வேளாண் சட்டங்களை மீள பெறக்கோரி இந்தியா முழுவதும் இன்று வீதிகளை மறைத்து போராட்டத்தை முன்னெடுக்கவுள்ளதாக விவசாயிகள் அறிவித்திருந்தனர்.
இதன்படி இன்று மதியம் 12 மணி முதல் பிற்பகல் 3 மணி வரை வீதிகளை மறைத்து விவசாயிகள் போராட்டத்தில் ஈடுபட்டனர்.
இந்த நிலையில் டெல்லி விவசாயிகளின் போராட்டத்திற்கு ஆதரவாக தமிழகத்திலும் வீதியை மறைத்து போராட்டங்கள் இடம்பெற்றிருந்தன.
சென்னை, ராஜபாளையம், கடலூர், தஞ்சாவூர் உள்ளிட்ட பல இடங்களிலும் இந்த போராட்டம் இடம்பெற்றிருந்த நிலையில் அதில் கலந்து கொண்டிருந்த பலர் கைது செய்யப்பட்டுள்ளதாக இந்திய செய்திகள் தெரிவிக்கின்றன.
