கொழும்பு டாம் வீதியில் வைத்து தலையற்றுக்கிடந்த நிலையில் மீட்கப்பட்ட யுவதியின் சடலம் குறித்து மேலும் பல தகவல்களை பொலிஸார் வெளியிட்டுள்ளனர்.
இந்நிலையில் சந்தேக நபரான தற்கொலை செய்துகொண்ட பொலிஸ் உத்தியோகத்தர் பேமசிறி கொண்டுசென்ற கைப்பை அவரது வீட்டில் வைத்து கண்டெடுக்கப்பட்டுள்ளது.
எனினும் அதில் சந்தேகத்திற்கு இடமாக எந்தவொரு இரத்தக்கறையும் இருந்திருக்கவில்லை என்று கூறப்படுகின்றது.
இதேவேளை, அவரது மூத்த சகோதரனும் தகாத காதல் தொடர்பினால் ஏற்பட்ட பிரச்சினையால் பேமசிறி தற்கொலை செய்துகொண்ட இடத்திலேயே கடந்த வருடத்தில் தற்கொலை செய்து கொண்டிருந்தார் என்கிற அதிர்ச்சித் தகவலும் விசாரணையில் தெரியவந்துள்ளது.
எனினும் ஹங்வெல்ல பகுதியில் கொலை செய்யப்பட்ட இரத்தினபுரி யுவதியின் தலைப்பகுதி கண்டுபிடிக்கப்படாத நிலையில் இன்னும் தேடப்பட்டுவருகின்றமை குறிப்பிடத்தக்கது.
