நாட்டில் கொரோனாத் தொற்றாளர்களின் எண்ணிக்கை 3 இலட்சத்தைக் கடந்திருப்பது சிறந்த அறிகுறியல்ல என்று சுகாதார சேவைகள் பணிப்பாளர் விசேட வைத்திய நிபுணர் அசேல குணவர்தன எச்சரிக்கை விடுத்துள்ளார்.
இது தொடர்பில் அவர் மேலும் தெரிவித்ததாவது:-
“நாட்டில் குறுகிய காலத்துக்குள் தொற்றாளர்களின் எண்ணிக்கை 3 இலட்சத்தைக் கடந்துள்ளது. இது சிறந்த அறிகுறியல்ல.
ஆபத்தான நிலைமையை இது எடுத்துக்காட்டுகின்றது. எனவே, பொதுமக்கள் சுகாதாரப் பாதுகாப்பு விதிமுறைகளைத் தொடர்ந்தும் பேணாவிடின் மீண்டும் கட்டுப்பாடுகளை எதிர்கொள்ள நேரிடும்” – என்றார்.
நாட்டில் நேற்றிரவு வரையில் 3 இலட்சத்து 4 ஆயிரத்து 161 கொரோனாத் தொற்றாளர்கள் அடையாளம் காணப்பட்டுள்ளனர்.
இவ்வாறு இனங்காணப்பட்ட தொற்றாளர்களில் 2 இலட்சத்து 73 ஆயிரத்து 496 பேர் குணமடைந்துள்ளனர். 4 ஆயிரத்து 324 பேர் உயிரிழந்துள்ளனர். ஏனைய தொற்றாளர்கள் தொடர்ந்தும் சிகிச்சை பெற்று வருகின்றனர்.
