வவுனியா மாவட்ட புதிய அரசாங்க அதிபராக பீ.ஏ.சரத்சந்திர இன்று மதியம் (27.08) பதவியேற்றுக் கொண்டார்.
வவுனியா அரச அதிபராகக் கடமையாற்றிய சமன்பந்துலசேன வடமாகாண பிரதம செயலாளராகப் பதவி உயர்வு பெற்றுச் சென்றிருந்தார்.
இதனையடுத்து கடந்த ஒரு மாதகாலமாக மேலதிக அரசாங்க அதிபராகக் கடமையாற்றிய தி.திரேஸ்குமார் பதில் அரச அதிபராகக் கடமையாற்றியிருந்தார்.
இந்நிலையில், பௌத்த சாசன அமைச்சில் உதவி ஆணையாளராகப் பதவி வகித்த பீ.ஏ.சரத்சந்திர வவுனியா மாவட்டத்தின் புதிய அரசாங்க அதிபராக அரசாங்கத்தால் நியமிக்கப்பட்ட நிலையில், தனது மனைவி, பிள்ளைகளுடன் வவுனியாவிற்கு வருகை தந்த அவர் பௌத்த பிக்குகள், இந்து, இஸ்லாமிய, கிறிஸ்தவ மதத் தலைவர்களின் ஆசியுடன், மேலதிக அரசாங்க அதிபர் தி.திரேஸ்குமார் மற்றும் மாவட்ட செயலக அதிகாரிகள், பிரதேச செயலாளர்கள் முன்னிலையில் தனது கடமைகளைப் பொறுப்பேற்றுக் கொண்டார்.
கோவிட் பரவல் காரணமாகச் சுகாதார நடைமுறைகளைப் பின்பற்றி எளிமையான முறையில் குறித்த பதவியேற்பு நிகழ்வு இடம்பெற்றமை குறிப்பிடத்தக்கது.
