சட்டவிரோதமான முறையில் வெளிநாடு செல்ல முயற்சித்த இளைஞன் கைது

இத்தாலி செல்ல முயற்சித்த இளைஞன் கட்டுநாயக்க விமான நிலையத்தில் கைது செய்யப்பட்டுள்ளார்.

போலி தகவல்கள் உள்ளடக்கப்பட்ட ஆவணங்கள் மூலம் இத்தாலி செல்ல முயற்சித்த வேளையில், குறித்த இளைஞன் கட்டுநாயக்க விமான நிலையத்தின் குடிவரவு குடியகல்வு திணைக்கள அதிகாரிகளினால் கைது செய்யப்பட்டுள்ளார்.

போலியாக தயாரிக்கப்பட்ட விமான டிக்கட் மற்றும் இத்தாலி விசா ஒன்றை பயன்படுத்தி டுபாய் ஊடாக ஐரோப்பாவுக்கு தப்பி செல்ல சந்தேக நபர் முயற்சித்துள்ளார் என தெரிவிக்கப்படுகின்றது.

கைது செய்யப்பட்ட சந்தேக நபர் குளியாப்பிட்டிய பிரதேசத்தை சேர்ந்த 31 வயதுடையவர் என தகவல் வெளியாகியுள்ளது.