சுவிற்சர்லாந்தில் வரும் நாட்களில், குறிப்பாக மார்ச் மாதத்தில் மிகப்பெரிய மின்சாரத்தடை ஏற்படவுள்ளதாக தகவல் வெளியாகியுள்ளது.
ஐரோப்பிய ஒன்றியத்துடனான மின்சார ஒப்பந்தத்தில் முன்னேற்றம் ஏற்படவில்லை என்றால், குறைந்தது தொழிநுட்ப அளவிலாவது ஒப்பந்தம் எட்டப்படவில்லை என்றால், சுவிற்சர்லாந்து வரும் குளிர்காலத்தில் மின்சார விநியோகத்தில் குறிப்பிடத்தக்க சிக்கலை எதிர்கொள்ள வாய்ப்புள்ளதாக தெரியவந்துள்ளது.
நேற்று (புதன்கிழமை) அரசாங்கத்திற்கு வழங்கப்பட்ட விநியோகப் பாதுகாப்பு குறித்த வெளிப்புற அறிக்கையின் முடிவில் இது குறிப்பிடப்பட்டுள்ளது.
இந்த அறிக்கையில் 3 சூழ்நிலைகளின் விளைவுகள் ஆயாராயப்பட்டுள்ளன. 1- ஐரோப்பிய ஒன்றியத்துடனான ஒத்துழைப்பை முற்றிலுமாக கைவிடுதல், 2-அண்டை நாடுகளுடன் குறைந்தபட்சம் தொழில்நுட்ப ஒப்பந்தங்களை எடுப்பது மற்றும் 3- ஐரோப்பிய ஒன்றியத்துடன் மின்சார ஒப்பந்தம் செய்தல்.
அறிக்கையின்படி, ஒத்துழைப்பை முற்றிலுமான கைவிடும் சூழ்நிலையில், மார்ச் மாதத்திற்குள் நிலைமை மிகவும் சிக்கலானதாக இருக்கும். உள்நாட்டு மின்சார தேவை இனி 47 மணி நேரத்திற்கு கூட உத்தரவாதம் அளிக்க முடியாது. அதிலும் ஒரு தீவிரமான சூழ்நிலையாக மாறினால், மின்சார விநியோகம் 500 மணிநேரம் வரை தடைபடலாம் என கணிக்கப்பட்டுள்ளது.
அண்டை நாடுகளில் டிரான்ஸ்மிஷன் கிரிட் ஆபரேட்டர்களுடனான தொழில்நுட்ப ஒத்துழைப்பு ஏற்படுத்திக்கொண்டால், சூழ்நிலையை “நிச்சயமாக நிர்வகிக்க முடியும்” என்று கூறப்படுகிறது.
அதுவே, சுவிற்சர்லாந்தை ஐரோப்பிய ஒன்றிய உறுப்பு நாடாகக் கருதும் ஐரோப்பிய ஒன்றியத்துடனான மின்சார ஒப்பந்தத்தை மேற்கொள்வது என்பதே பாதுகாப்பான முடிவாக இருக்குமென அந்த அறிக்கையில் கூறப்பட்டுள்ளது.
40-க்கும் மேற்பட்ட மின் இணைப்புகள் சுவிஸ் மற்றும் ஐரோப்பிய டிரான்ஸ்மிஷன் கட்டங்களை சுவிஸ் எல்லைகளுடன் இணைக்கின்றன. உதாரணமாக, சுவிட்சர்லாந்து வழியாக பாயும் மின்சாரத்தை ஜேர்மனியிலிருந்து இத்தாலி இறக்குமதி செய்து கொடுக்கிறது.
