வெளிநாடொன்றில் இருந்து இலங்கை வந்த பெண்ணிற்க்கு நேர்ந்த துன்பம்

இலங்கை சென்ற பெல்ஜியம் பெண்ணிடம் தகாத முறையில் நடக்க முயற்சித்த சீகிரிய எஹெலகல ஹோட்டல் உரிமையாளரை சிகிரியா பொலிஸார் கைது செய்துள்ளனர்.

33 வயதான பெல்ஜிய சுற்றுலா பயணி ஒருவர் மார்ச் 28 அன்று சிகிரியா பொலிஸில் முறைப்பாடு செய்ததை அடுத்து கைது செய்யப்பட்டுள்ளார்.

இந்த பெண் பல்வேறு நாடுகளுக்கு சென்று சம்பந்தப்பட்ட நாடுகள் தொடர்பான சஞ்சிகைகளுக்கு கட்டுரைகளை எழுதி வருவதாகவும், இம்முறை இலங்கை தொடர்பான கட்டுரையை எழுதுவதற்காக இலங்கை சென்றுள்ளதாகவும் தெரிவிக்கப்படுகிறது.

அங்கு வந்த அவர், சிகிரியா பகுதியில் உள்ள ஹோட்டல் ஒன்றில் ஆன்லைன் மூலம் தங்குவதற்கு முன்பதிவு செய்தார். புகாரின்படி, அந்தப் பெண்ணிடம் பேசிய ஹோட்டல் உரிமையாளர், அவர் ஒரு சீன குத்தூசி மருத்துவம் நிபுணர் என்றும், பல்வேறு நோய்களுக்கு சிகிச்சையளிக்க முடியும் என்றும், முதுகுவலிக்கு சிகிச்சை அளிக்க பெண்ணின் உடலின் பல்வேறு பாகங்களைத் தொட்டதாகவும் கூறினார்.

சம்பவத்தின் பின்னர் ஹோட்டலை விட்டு வெளியேறிய அவர், சிகிரியா பிரதேசத்தில் உள்ள மற்றுமொரு ஹோட்டலுக்குச் சென்று சிகிரியா பொலிஸில் முறைப்பாடு செய்துள்ளார். சம்பவத்துடன் தொடர்புடைய சந்தேகத்தின் பேரில் சிகிரியா, எஹெலகல பிரதேசத்தைச் சேர்ந்த 49 வயதுடைய ஒருவரை சீகிரிய பொலிஸார் கைது செய்துள்ளனர்.

சிகிரியா பொலிஸார் மேலதிக விசாரணைகளை மேற்கொண்டு வருகின்றனர்.