முல்லைத்தீவு அளம்பில் கடற்கரையில் உயிரிழந்த நிலையில் கரையொதுங்கிய பாரிய சுறா

முல்லைத்தீவு மாவட்டத்தின் அளம்பில் கடற்கரையில் உயிரிழந்த நிலையில் பாரிய புள்ளிசுறா ஒன்று இன்று கரை ஒதுங்கியுள்ளது.

முல்லைத்தீவு மாவட்டத்தில் அளம்பில் கடற்கரையில் சுறாக்கள் கரை ஒதுங்குவது கடந்த காலங்களில் பதிவாகியுள்ள போது உயிரிழந்த நிலையில் சுமார் 20 அடி நீளம் கொண்ட பாரிய சுறா கரை ஒதுங்கியுள்ளது.

அண்மைய நாட்களில் இந்திய இழுவைப்படகுகள் முல்லைத்தீவு கடலில் சட்டவிரோத கடற்தொழில் நடவடிக்கையில் ஈடுபட்டுள்ளன.

இவற்றினால் கடல்வாழ் உயிரினங்கள் அழிக்கப்படுவதாக மீனவர்கள் கவலை தெரிவித்துவரும் நிலையில், இந்திய மீனவர்களின் இழுவைப்படகின் தாக்கத்திற்குள்ளாகி புள்ளிசுறா கரை ஒதுங்கியிருக்கலாம் எனவும் மீனவர்கள் தெரிவித்துள்ளனர்.