திக்வெல்ல, உடதெனிய பகுதியில் சைக்கிளொன்று விபத்துக்குள்ளானதில் பாடசாலை மாணவர் ஒருவர் பலியானதுடன் ஒருவர் காயமடைந்துள்ளார்.
சைக்கிளில் இரு மாணவர்கள் பயணித்தபோது வேகமாக சென்ற சைக்கிள், ‘பிரேக்’ பிடிபடாததால், சுவரொன்றில் மோதியுள்ளது.
இதனால் படுகாயமடைந்த இருவரும் வைத்தியசாலையில் சேர்க்கப்பட்டதில் சைக்கிளில் முன்பகுதியில் பயணித்த சிறுவன் உயிரிழந்துள்ளார்.
திக்வெல்ல, கொண்டெனிய பகுதியில் வசிக்கும் 13 வயதுடைய மாணவர் ஒருவரே இவ்வாறு பலியாகியுள்ளார்.
மேலும் காயமடைந்த பாடசாலை மாணவர் மாத்தறை வைத்தியசாலைக்கு மாற்றப்பட்டு மேலதிக சிகிச்சைக்காக கராப்பிட்டிய வைத்தியசாலையில் சேர்க்கப்பட்டுள்ளார்.
