மனைவி மற்றும் பிள்ளையின் முன்னிலையில் முச்சக்கர வண்டி சாரதியை கொலை செய்த சம்பவம் இடம் பெற்றுள்ளது.
இச் சம்பவம் மட்டக்குளி பிரதேசத்தில் இடம் பெற்றுள்ளதாக தெரிவிக்கப்பட்டுள்ளது.
5 வருடங்களின் பின்னர் பிரதான சந்தேக நபர் கொழும்பு குற்றத்தடுப்பு பிரிவினரால் நேற்று புதன்கிழமை (18) கைது செய்யப்பட்டுள்ளார்.
கைதுசெய்யப்பட்ட சந்தேகநபர் மட்டக்குளி பிரதேசத்தை சேர்ந்தவர் என பொலிஸார் தெரிவித்துள்ளனர்.
இந்த சந்தேக நபர் முச்சக்கரவண்டி சாரதியை கொலை செய்யுமாறு கொலையாளிக்கு அறிவுறுத்தியுள்ளதாக விசாரணைகளில் தெரிய வந்துள்ளது.
2017 ஆம் ஆண்டு ஜூன் மாதம் 5 ஆம் திகதி முச்சக்கரவண்டி சாரதி தனது குழந்தை மற்றும் மனைவியுடன் பயணித்தபோது மோட்டார் சைக்கிளில் வந்த இருவரால் சுட்டுக் கொல்லப்பட்டார்.
உயிரிழந்த முச்சக்கரவண்டி சாரதியின் மனைவி வழங்கிய தகவலின் அடிப்படையில் சந்தேக நபர் கைது செய்யப்பட்டுள்ளார்.
