தனது காதலனுக்கு தலைக்கவசம் வாங்குவதற்காக சேகரித்த 8000 ரூபா பணத்தை எடுத்துச் சென்ற யுவதியை கடத்திச் சென்று துஷ்பிரயோகத்திற்கு உட்படுத்திய சம்பவம் ஒன்று இடம் பெற்றுள்ளது.
இச் சம்பவத்துடன் தொடர்புடைய இளைஞர் ஒருவர் மாதம்பை பொலிஸாரால் கைது செய்யப்பட்டுள்ளார்.
கடிகமுவ பிரதேசத்தை சேர்ந்த 28 வயதுடைய ஒருவரே இவ்வாறு கைது செய்யப்பட்டுள்ளார்.
குறித்த யுவதி சமீபத்தில் தனது காதலனின் தலைக்கவசத்தை உடைத்ததால் அவருக்கு புதிய தலைக்கவசம் வாங்க முடிவு செய்துள்ளார்.
தலைக்கவசம் வாங்க சென்ற பெண்
குறித்த யுவதியிடம் தலைக்கவசம் வாங்க போதிய பணம் இல்லாததால் தெரிந்தவர்களிடம் பணம் கேட்க முடிவு செய்துள்ளார்.
அதன்படி கடந்த 18ம் திகதி கலவிடஹா முதல் காக்கபள்ளி செல்லும் வீதியில் தனக்குத் தெரிந்தவர்களிடம் பணம் வசூலித்துக் கொண்டிருந்தபோது நடந்த சம்பவத்தைக் கூறி சாலையோரம் இளநீர் விற்றுக்கொண்டிருந்த வியாபாரியிடம் பணம் கேட்டுள்ளார்.
குறித்த யுவதி நடந்த சம்பவத்தை இளநீர் விற்பனையாளரிடம் கூறியபோது அங்கு மற்றொரு இளைஞன் இருந்துள்ளார் ஆனால் அவர்கள் அவரை கவனிக்கவில்லை.
இதற்கிடையில் வந்த பேருந்தில் காக்கப்பள்ளி சந்திக்கு சென்று இறங்கியபோது குறித்த கடை அருகே இருந்த இளைஞனும் சென்றுள்ளார்.
அந்த யுவதியிடம் பேசி எவ்வளவு பணம் வேண்டும் என்று கேட்டு அந்த தொகையை தரலாம் என்று கூறியுள்ளார்.
பணத்தை தருவதாகக்கூறி யுவதியை தன்னுடன் வருமாறு கூறிய சந்தேக நபர் யுவதியை மீண்டும் மெதகம பனிரெண்டாவ பகுதிக்கு அழைத்துச் சென்று பனிரெண்டாவ பிரதேசத்தில் உள்ள பாழடைந்த வீட்டிற்கு அழைத்துச் சென்று அவரை துஷ்பிரயோகத்திற்கு உட்படுத்தியுள்ளார்.
யுவதியை பலாத்காரம் செய்த பின்னர் சந்தேகநபர் அவரது கையில் இருந்த 8000 ரூபா பணத்துடன் தப்பிச் சென்றுள்ளார்.
பின்னர் யுவதி தனது வீட்டிற்குச் சென்று நடந்த சம்பவத்தை பெற்றோரிடம் கூறி, அவர்களுடன் மாதம்பை பொலிஸ் நிலையத்தில் புகார் அளித்துள்ளார்.
குறித்த யுவதி தனது காதலனை சந்திப்பதற்காக ஹலவத்தை பஸ் நிலையத்திற்கு சென்ற போது சம்பவத்துடன் தொடர்புடைய சந்தேக நபரை பஸ் நிலையத்தில் பார்த்துள்ளார் இது தொடர்பில் யுவதி பொலிஸாருக்கு அறிவித்ததையடுத்து பொலிஸார் சந்தேக நபரை கைது செய்துள்ளனர்.
