மூதூர் பிரதேசத்தில் குடும்பத் தகராறு காரணமாக 28 வயதுடைய மனைவியை கணவன் கொலைசெய்துள்ள சம்பவம் அதிர்ச்சியை ஏற்படுத்தியுள்ளது. இந்த சம்பவம் மூதூர் தோப்பூர் பகுதியில் இடம்பெற்றுள்ளதாக பொலிஸார் தெரிவித்தனர் .
சம்பவத்தில் தோபூர் பகுதியைச் சேர்ந்த 28 வயதுடைய பெண்ணே இவ்வாறு கொலைசெய்யப்பட்டுள்ளதாக பொலிஸார் மேலும் தெரிவித்தனர் .
கழுத்தை நெரித்து கொலை
மனைவியின் ஆடையின் ஒரு பகுதியைப் பயன்படுத்தி கணவன் கழுத்தை நெரித்து கொலை செய்துள்ளதாக பொலிஸாரின் விசாரணையில் இருந்து தெரியவந்துள்ளது.
மனைவியின் கழுத்தை நெரித்துக் கொலை செய்த 33 வயதுடைய கணவன் மூதூர் பொலிஸாரால் கைது செய்யப்பட்டுள்ளார் . கொலைச் சம்பவம் தொடர்பான மேலதிக விசாரணைகளை மூதூர் பொலிஸார் மேற்கொண்டு வருகின்றமை குறிப்பிடத்தக்கது .
