கட்டுநாயக்க சர்வதேச விமான நிலையில் வெளிநாட்டு சிகரெட் தொகையுடன் வெளிநாட்டு அரசியல்வாதி ஒருவர் கைது செய்யப்பட்டுள்ளார்.
பொலிஸ் போதைப்பொருள் ஒழிப்புப் பிரிவின் கட்டுநாயக்க விமான நிலையப் பிரிவின் அதிகாரிகள் முன்னெடுத்த சுற்றிவளைப்பின் போதே சந்தேக நபர் கைது செய்யப்பட்டுள்ளார்.
சந்தேக நபர் பிரபல அரசியல் கட்சியை பிரதிநிதித்துவப்படுத்தும் முன்னாள் மாகாண சபை உறுப்பினர் என தகவல்கள் வெளியாகியுள்ளன.
விமான நிலைய அதிகாரிகளின் சுற்றிவளைப்பின் போது குறித்த அரசியல்வாதி வைத்திருந்த 6,000 சிகரெட்டுகள் கண்டுபிடிக்கப்பட்டன.
மீட்கப்பட்ட சிகரெட்டுகள் சுமார் 5 இலட்சம் ரூபா பெறுமதி என தெரிவிக்கப்படுகின்றது.
சம்பவம் தொடர்பான மேலதிக விசாரணைகளை பொலிஸ் போதைப்பொருள் ஒழிப்புப் பிரிவின், கட்டுநாயக்க சர்வதேச விமான நிலையப் பிரிவின் அதிகாரிகள் மேற்கொண்டு வருகின்றனர்.
