இங்கிலாந்து(england) கிரிக்கெட் அணியின் முன்னாள் துடுப்பாட்ட வீரரான கிரஹாம் தோர்ப் இன்று (05) காலமானதாக அந்நாட்டு கிரிக்கெட் சபை அறிவித்துள்ளது. இறக்கும் போது அவருக்கு வயது 55.
1993 மற்றும் 2005 க்கு இடையில் இங்கிலாந்துக்காக 100 டெஸ்ட் போட்டிகளில் விளையாடியுள்ளார். தோர்ப் 16 சதங்களுடன் 6744 டெஸ்ட் ஓட்டங்களை எடுத்தார்.
ஓட்டங்கள் குவிப்பு
அவர் 1988 மற்றும் 2005 க்கு இடையில் சர்ரே அணிக்காக விளையாடினார், கவுண்டிக்காக கிட்டத்தட்ட 20,000 ஓட்டங்கள் எடுத்தார்.
மூத்த ஆண்கள் அணிக்கு துடுப்பாட்ட பயிற்சியாளராக பணிபுரிந்த தோர்ப், 2022 இல் ஆப்கானிஸ்தானின் தலைமை பயிற்சியாளராக நியமிக்கப்பட்ட சிறிது நேரத்திலேயே “கடுமையாக நோய்வாய்ப்பட்டார்”.
மிகுந்த வருத்தமளிக்கிறது
“கிரஹாம் தோர்ப், காலமானார் என்ற செய்தியை நாங்கள் பகிர்ந்துகொள்வது மிகுந்த வருத்தமளிக்கிறது,” என இங்கிலாந்து கிரிக்கெட் சபை வெளியிட்ட ஒரு அறிக்கையில் தெரிவித்துள்ளது.
❤️❤️❤️❤️❤️ pic.twitter.com/NeaX5dDwzg
— Ben Stokes (@benstokes38) August 5, 2024
அவரது மறைவிற்கு வீரர்கள் மற்றும் ரசிகர்கள் தமது ஆழ்ந்த இரங்கலை தெரிவித்துள்ளனர்.
