கண்டி, அலதெனிய பொலிஸ் பிரிவுக்கு உட்பட்ட புத்தளம் – கண்டி வீதியில் கிரந்தெனிய சந்தியில் நேற்று (19) பேருந்து மோதி வயோதிபப் பெண் ஒருவர் உயிரிழந்துள்ளதாக அலதெனிய பொலிஸார் குறிப்பிட்டுள்ளனர்.
கட்டுகஸ்தோட்டையிலிருந்து குருணாகல் நோக்கிப் பயணித்த தனியார் பேருந்தில் பயணித்த குறித்த வயோதிபப் பெண் பேருந்திலிருந்து இறங்கி வீதியை கடக்க முயன்ற போது அதே பேருந்தில் மோதி உயிரிழந்துள்ளார்.
இதனையடுத்து, படுகாயமடைந்த வயோதிபப் பெண் தித்தபஜ்ஜல வைத்தியசாலையில் அனுமதிக்கப்பட்டு மேலதிக சிகிச்சைக்காக கண்டி வைத்தியசாலைக்கு மாற்றப்பட்ட பின்னர் உயிரிழந்துள்ளதாக பொலிஸார் குறிப்பிட்டுள்ளார்.
கண்டி, கும்புரேகம பிரதேசத்தில் வசிக்கும் 67 வயோதிபப் பெண் ஒருவரே இவ்வாறு உயிரிழந்துள்ளார்.
உயிரிழந்த பெண்ணின் சடலம் கண்டி வைத்தியசாலையில் வைக்கப்பட்டுள்ளதுடன், பேருந்து சாரதி சந்தேகத்தின் பேரில் கைது செய்யப்பட்டுள்ளார். இது தொடர்பான மேலதிக விசாரணைகளை அலதெனிய பொலிஸார் மேற்கொண்டு வருகின்றனர்.
