வெல்லவாய – பெரகல பிரதான வீதியில் இடம்பெற்ற விபத்தில் ஒரே குடும்பத்தைச் சேர்ந்த மூன்று சகோதரர்கள் காயமடைந்துள்ளதாக கொஸ்லந்தை பொலிஸார் தெரிவித்தனர்.
இந்த விபத்து நேற்று (25) இரவு இடம்பெற்றுள்ளது.
ஹல்துமுல்லவிலிருந்து வெல்லவாய நோக்கிப் பயணித்துக் கொண்டிருந்த முச்சக்கரவண்டி ஒன்று தொழிநுட்பக் கோளாறு காரணமாக வீதியை விட்டு விலகி கவிழ்ந்து அருகில் நிறுத்தி வைக்கப்பட்டிருந்த முச்சக்கர வண்டி ஒன்றுடன் மோதியதில் விபத்து இடம்பெற்றுள்ளது.
விபத்தின் போது முச்சக்கரவண்டியில் பயணித்த மூவர் காயமடைந்துள்ளனர். ஹல்துமுல்ல பிரதேசத்தில் வசிக்கும் 22, 23 மற்றும் 29 வயதுடைய ஒரே குடும்பத்தைச் சேர்ந்த மூன்று சகோதரர்களே காயமடைந்துள்ளனர்.
காயமடைந்தவர்கள் வெல்லவாய வைத்தியசாலையில் அனுமதிக்கப்பட்டுள்ளதாக தெரிவித்த பொலிஸார் மேலதிக விசாரணைகளை மேற்கொண்டு வருகின்றனர்
