களுத்துறை – மத்துகம வீதியில் தொடங்கொட மற்றும் ருவன்மகா சந்தியில் இடம்பெற்ற விபத்தில் ஒருவர் உயிரிழந்துள்ளார்.
மத்துகமவில் இருந்து களுத்துறை நோக்கி பயணித்த லொறியொன்று மோட்டார் சைக்கிள் மற்றும் வீதியின் கம்பத்தில் மோதியதில் விபத்து சம்பவித்துள்ளது.
சாரதி நித்திரையினால் வீதியை விட்டு விலகி, விபத்து ஏற்பட்டதாக பொலிஸார் தெரிவித்துள்ளனர்.
தந்தை பலி
இவ்விபத்தில் மோட்டார் சைக்கிளில் பயணித்தவர் படுகாயமடைந்து வைத்தியசாலைக்கு கொண்டு செல்லப்பட்ட நிலையில் உயிரிழந்துள்ளார்.
நாகொட பிரதேசத்தை சேர்ந்த இளைஞன் தனது மனைவி மற்றும் பிறந்த குழந்தை பார்த்துவிட்டு மத்துகமவில் உள்ள தனது வீட்டிற்கு திரும்பிக் கொண்டிருந்த போது இந்த விபத்தில் சிக்கியுள்ளதாக தெரியவந்துள்ளது.
