நீர்கொழும்பில் (Negombo) இலக்கத் தகடு இல்லாத சொகுசு வாகனம் ஒன்று கைப்பற்றப்பட்டுள்ளதாக நீர்கொழும்பு காவல்துறை குற்றப் புலனாய்வு பிரிவினர் தெரிவித்துள்ளனர்.
நீர்கொழும்பு காவல்துறை குற்றப் புலனாய்வு பிரிவினருக்குக் கிடைத்த தகவலின் பேரில் மேற்கொள்ளப்பட்ட சுற்றிவளைப்பின் போதே இந்த சொகுசு வாகனம் கைப்பற்றப்பட்டுள்ளது.
சொகுசு வாகனம்
இது தொடரடபில் மேலும் தெரியவருவதாவது, வெளிநாட்டில் உள்ள தனது சகோதரன் ஊடாக இந்த சொகுசு வாகனம் தனக்கு அனுப்பி வைக்கப்பட்டதாக சொகுசு வாகனத்தின் உரிமையாளர் காவல்துறையிடம் தெரிவித்துள்ளார்.
இதனையடுத்து காவல்துறையினரால் மேற்கொள்ளப்பட்ட விசாரணையில் இந்த சொகுசு வாகனம் பிரபல வர்த்தகர் ஒருவரினால் வழங்கப்பட்டுள்ளதாகத் தெரியவந்துள்ளது.
இது தொடர்பான மேலதிக விசாரணைகளை நீர்கொழும்பு காவல்துறை குற்றப் புலனாய்வு பிரிவினர் மேற்கொண்டு வருகின்றனர்.
