முன்னாள் அமைச்சர் ஹரின் பெர்னாண்டோ (Harin Fernando) குற்றப் புலனாய்வு திணைக்களத்தில் முன்னிலையாகவுள்ளார்.
இதன்படி, குற்றப் புலனாய்வு திணைக்களத்தில் இன்றைய தினம் (22) அவர் முன்னிலையாகவுள்ளதாக தெரிவிக்கப்படுகின்றது.
கெஹலிய ரம்புக்வெல்ல (Kehalia Rambukwella) சுகாதார அமைச்சராக இருந்த காலத்தில் தரமற்ற மருந்துகளை இலங்கைக்கு கொண்டு வந்து அரச வைத்தியசாலைகளுக்கு விநியோகித்த சம்பவம் தொடர்பில் வாக்குமூலம் வழங்குவதற்காகவே அவர் முன்னிலையாகவுள்ளார்.
இந்த சம்பவம் தொடர்பில் முன்னாள் அமைச்சர்களான பிரசன்ன ரணதுங்க (Prasanna Ranatunga), வைத்தியர் ரமேஷ் பத்திரன (Ramesh Pathirana) மற்றும் ரொஷான் ரணசிஹா (Roshan Ranasinghe) ஆகியோரும் நேற்று குற்றப்புலனாய்வு திணைக்களத்திற்கு (21) வந்து வாக்குமூலம் வழங்கியுள்ளனர்.
மேலும், சம்பவம் தொடர்பில் முன்னாள் ஜனாதிபதி ரணில் விக்ரமசிங்க (Ranil Wickremesinghe) முன்னாள் பிரதமர் தினேஷ் குணவர்தன (Dinesh Gunawardena) உட்பட கடந்த அமைச்சரவையில் அங்கம் வகித்த 18 பேரிடம் வாக்குமூலம் பதிவு செய்ய உள்ளதாக குற்றப் புலனாய்வு திணைக்களம் அண்மையில் மாளிகாகந்த நீதவான் நீதிமன்றத்திற்கு அறிவித்தமை குறிப்பிடத்தக்கது.
